Kattu katni chaphang ka Trophy ka World Cup | Kawa pynemkaam nyngkong dooh toh kawa da chah tooh

Ha ka Final ka FIFA World Cup 2026, ka Argentina lane ka Spain daw yoh ki wow rah ya ka Trophy wa bna dur wei bna naam doh hapoh pyrthai tangwa kani ka Trophy wa tipmit kiwa boon katni ymtoh kawa pynemkaam nadooh wa sdang ka World Cup.

Ka Trophy wa nyngkong dooh toh kawa tip kam ka Jules Rimet Trophy hei pyrtuid u President ka FIFA hadien wa khlaad u ha u snem 1956.

Kani ka Trophy warim toh kawa jrong 30 cm wei da pynwandur da u Abel Lafleur heiwa da pynchna ka deiwa sariem wa ki blai Greek wa em thawaner.

Heipor wa em ka World War-II, ki Nazi da pyrchang ki wow rah ka na Rome tangwa u khlieh ka Italian Football Federation, u Ottorino Barassi da murieh u ya kani ka Trophy hapoh ka synduk juti deiwa thap hapoh ka palong u.

Ha u snem 1966 won da chah tooh ko na Westminster Central Hall, London iwa man i thaw wa booh ka hadien wa jop ka England ya ka World Cup. Da chem ya ka da uwi u ksaw na khap phlang wa murieh kiwa tooh ka.

Ha u snem 1970, ka Brazil da yoh ko wow ksoh ya kani Trophy cha ka hadien wa jop ko ya ka World Cup le sien katkam wa thrang u Rimet hadien wa pynman ya ka World Cup hei sien wa nyngkong ha u snem 1930.

Related posts

Pynkut u DGP ka Tripura yei mynsien pyn hapoh Office

July 20, 2026

Tden yieñ u Trump katwa dang lehkmen kiwa yalehke ka Spain

July 20, 2026

Kani kawa da yoh ka Brazil, hadien 13 snem da chah tooh ko na ka yung krehkaam ka Brazil FC kawa em ha Rio de Janeiro ha u snem 1983 wei ym em de chem ka hanla da yoh wow kem ya ki kattu katni ki bru. Ha itu i por ya ka Trophy da chna da ka Gold-Plated deiliang i Sterling Silver.

Hadien wa yoh ka Brazil wow ksoh noh cha ka ya kani ka Trophy, neiliang ka FIFA da pynman ko da ka yakob yow khut ya ki bru wow pynwandur thymme ya kani ka Trophy heiwa da jop uwa na Italy uwa tip kam u Silvio Gazzaniga kawa da neh dur hadooh katni.

Kani kawa thymme toh kawa da pynemkaam nadooh u snem 1974 wei jrong ko 36 cm, khia ko 6.142 kg heiwa 5.02 kg toh i ksiar paka. I tre ko toh iwa ye u looid wei da booh ki ha ka FIFA Museum wei da pyndait da kawa thymme kawa emlang wei pyrtuid ka ri wa dang dep wow jop ka.

Du u FIFA President, kiwa jop World Cup wa ki khlieh ki ri kiwa chah u tba ya ka Trophy ka khlem da sap sapkti.

Ya kani ka Trophy da booh ka ha FIFA Museum wa em ha Zurich, Switzerland. 

Ki kyndon wa thymme won ym chah de ya kiwon kiwon ki ri hanla jop ki le sien leh wow chim noh ya ka Trohpy cha ki heiwa ka Germany da jop ko ha u snem 1974, 1990 wa 2014.

Nadooh u snem 2006, ka ri wa jop da e cha ki da ka Gold Plated Trophy kawa da chna thij kam ka yong sakhiat hadien wa kut ka World Cup tangwa ha ka lehkmen ya kiwa jop World Cup da pynemkaam da yong sakhiat ha madan.