Ynne i sngi i kynaad ha khappood Meghalaya-Assam hapyrdi ka chnong Lapangap wa ka Tappat da khai biang i hapyrdi ki Pnar wa ki Karbi khamtam ha Loom Umchyrngan ka chnong Lapangap.
Ini wadep ka Karbi Anglong Autonomous Council (KAAC) da sdang ko wow thung ya ki tre dieñ ha Loom Umchyrngan tangwa ki paidbah na Lapangap da phut ki ya ki tre dieñ neibhah wa da thung ya ki khlem tip ka chnong wei hapoh u pood ka chnong.
Hawa yaklam wa ki kattu katni ngut ki bru na Lapangap da ong ki wa ki paidbah Karbi ynne da hiar ki cha Loom Umchyrngan chirup wa ki Assam Police heiwa ka KAAC da sdang biang ko u chna ya i yung trep wa da chah tympra ha ka 25 tarik uni u bnai.
Da pyntip ki leh wa ki Karbi ym em u mih ki na ini i thaw nadooh ka 25 tarik wei da pteiñ ki wow thung ya ki tre dieñ ha uni u Loom Umchyrngan.
Chooh chooh da ong wa ki pulit ka Meghalaya ym em u lai ki cha ini i thaw wei da neh ki du harood ka chnong Lapangap donhi.
Discussion about this post