Katkam ka hukum ka sorkar pyrdi ha ka 17 tarik uni u bnai lyngba ka Ministry of Commerce, da khang ko wow wanrah (Import) ya ki mar na Bangladesh lyngba ki Land Port wei u chah u wanrah ya ki du lyngba ki luti duriaw kam na Mumbai wa Kolkata.
Ki mar wa da khang wow wanrah na Bangladesh lyngba ki Land Port toh ki that ki sula (Ready Made Garments) wei kini toh u wan ki du lyngba ka duriaw (Seaport) wa kynthup ya ka Nhava Sheva Port wa em ha Mumbai wa na Kolkata Seaport.
Da khang leh wow wanrah lyngba ki LCS/ICP ya ki soh, umsoh (Fruit Flavoured and Carbonated Drinks), ki marbaam wa da song (Processed Food Items) nadooh ki baam dih cha, ki Chips wa kiwi de, ki Plastic, ki rong, ki kynphaad wa ki chuki ki miej (Wooden Furniture).
Kini ki LCP/ICP ki wym cha u wanrah ya kini ki mar toh kiwa em ha Assam, Meghalaya, Tripura, Mizoram, Changrabandha wa Fulbari kiwa em ha West Bengal.
Ki mar wa chah u warah na Bangladesh lyngba ki Land Port toh ki dakha, phñiang chet, LPG wa ki mooria.
Ki mar wa da khang wow wan na ki Land Port lada toh kiwa lai cha Bhutan wa Nepal ym khang ya ki.
Ka Bangladesh man ko ka ri wa khlan u chalan ya ki that ki sula cha India khamtam lyngba ka Petrapole Land Port kawa em ha West Bengal wei kawi ka Truck ye ko wow kit ya ki that kiwa chongdor hadooh Rs.12-15 lak kawi wei da em hadooh 300 tylli kiwa psiah ha ka chi sngi.
Ini daw ktah bha ko ya ka Bangladesh wei da leh yeini hadien wa ka Bangladesh da sdang ko wow pynkhor ya ki kyndon khayi pateiñ kiwa da noh chiliang.
Discussion about this post