Khang ka MSPCB ya 6 tylli ki karkhana wa em ha Byrnihat

Ka Meghalaya State Pollution Control Board (MSPCB) da khang ko ya boon tylli ki karhana ha Byrnihat kiwa da tynghkheiñ ya ki aiñ yada rymaw wei najrong wa phah khang, ka MSPCB da daiñ kuna ko leh ya ki.

Katkam wa takit ka MSPCB, da chem wa em boon ki karkhana kiwa da pynmih yei jakhlia iwa palat yow pood iwa da ktah ya ka soodung sookun hadooh i chait i khiah yong ki bru.

Kam chibynta wow yada yeini, ka MSPCB da khang ko ya 6 tylli ki karkhana wa kynthup ya ka Shyam Century Ferro Alloys Pvt Ltd, ka Khasi Alloys Ltd, ka Nalari Ferro Alloys Pvt Ltd, ka Pawan Casting Pvt Ltd, ka FW Ferro Tech Pvt Ltd waka SR Bio-Product Pvt Ltd neidaw wa pynmih tdem ki palat ya u pood.

Ka kuna wa da daiñ toh Rs. 4 lak ya ka Shyam Century Ferro Alloys Pvt Ltd wa Rs. 2 lak ya ka Khasi Alloys Pvt Ltd.

Ini waroh da leh hadien wa da yoh chiboon ki ujor na ki paidbah wa joor i chah ktah ka laær wa riñ mynsien ki neidaw wa joor pynmih tdem kini ki karkhana.

Related posts

Jung uwi ha ka Altar ka St. Peter’s Basilica ka Vatican City

October 12, 2025

Da ka National Conference pynman ka NEAU Khliehtyrshi yow sñiawthooh yei long i man ka Northeast ha ka ri

October 12, 2025