U Aibok Madur uwa man kam u Sepoy ka 10th Assam Regiment uwa na Mawbri, Ri-Bhoi, da dooh noh u yei mynsien hawa leh yei kaam wow yada ya ka ri iwa da jia ha Siachen Glacier ha ka 7 tarik uni u bnai.
Neiliang u Montri Rangbah ka jylla, u Conrad Sangma da e ya ki kyntien sñiawngooh deiwa ong wa ini wa leh u Aibok ym mylliñ de ki uwa e dei mynsien neibynta ka ri.
Da phah u leh yei sñiawlem cha ka yung ka sem u Aibok deiwa ong wa ka sorkar jylla u e ko waroh i yarap cha kani ka manyung.
Chooh chooh da ong u wa i chlur mynsien u Aibok Madur daw e mynsien ko leh ya kiwi ha ka juk wa daw wan.
Yei metyap u Aibok da wanrah chapoh ka jylla wei da yoh u leh ya ka Gun Salute katkam ka rukom ki chipai wei ya ka niam ka rukom u, u pyndep mynstep ka sngi ha chnong u heipor 12:00 waje.
Discussion about this post