Shillong: Ki paidbah wa kynthup ya ki kynthai wa chynrang ynne ka sngi da thmu ki wow lai paidbah na ka thaiñ Madan Student, Jaiaw cha Secretariat dei thmu wow dawa na ka sorkar wow kyrriah noh ya ki bru na Themmator, Iewmawlong da chah khang ki neidaw wa pynkrehkaam ya ka kyndon 144 Cr.PC da ki bor synchaar district heiwa da chah khang ki ha Umsohson.
Kini ki paidbah da rah ki ryngkat wa ki kot rben wa thoh ya ki kyntien wa dawa wow kyrriah noh ya ki bru na Themmator, Iewmawlong.
Kamwa chispah ngut ki chynrang wa kynthai da yoh psiah ki ha Secretariat hapyrdi i sonteri wa i krehkaam ka curfew ha sor Shillong waroh kawi wei ini i yoh psiah kini ki paidbah ha pchem ka Secretariat da pynkhyrngiat ko ya ki bor pulit.
Hadien wa yaklam wa ki Magistrate da yachem ki ya u Chief Secretary ka jylla neibhah wa kam ki wa toh man ki kiwa chong dai madan wa imsngi na ki thaiñ Iewduh wei da chah du ynñiaw ngut donhi wow yachem wa u Chief Secretary kiwa da kyntu ya ka sorkar wow thooh ki laad wo wanrah biang yei chongsuk ha sor Shillong.
Kini ki paidbah da yoh ki u psiah ha Secretariat hadien wa lai ki talawiar na Umsohsun, cha Polo wei da ku won ki cha Secretariat neibhah wa da chah khang ki ha ki pulit ha Motphran wa Umsohson.
Neiliang u Conrad hawa yaklam wa kiwa pathai khubor da ong ki wa i daw wa wan ki cheini ymtoh dei thmu wa sih tangwa wow pynsñiaw ya i eh i khoo wa chem ki wa chah ktah ki hadien wa mih i awri ha sor Shillong.
Yeini waroh neiliang u montri rangbah da kyntait u wa da tyngkheiñ ki ya ka aiñ neibhah wa da wan ki dei thmu wa bha.
Hadien ini i yachem da ong ki paidbah wa i yachem wa u Conrad toh wow kyrpaad ya ka sorkar wow thooh ki laad ki luti wow wanrah noh yei chongsuk ha Shillong iwa da ktah joor bha ya ki ha ki kaam yong ki wa man ka sngi.
Da dawa ki leh wow kyrriah noh ya ki bru kiwa chong wa sah ha Themmator, Iewmawlong neibhah da wanrah i yei awri awra dei langær.
Discussion about this post