August 25, 2019
Advertisement
Advertisement
Jowai: Katkam wa pyntip ki pulit, u Sewilsborn G Momin na chnong Chachatgittim, East Garo Hills da ujor u haka 19 tarik wa hadien wa da yakut u wa uwi u bru wow thied yaka kari Hyundai i20 wa em ya u number AS-01BT-4467 hei dor T. 1,90,000 katkam wa da pynbna ha OLX, haka 12 tarik da su u T. 95,000 cha uwa dai lyngba ka Google Pay Account. Tangwa hadien wa dep su, u tre kari ym bien u wow dai yaka kari wei ym em pynuiñ yaka poisa wa da dep su.
Haka 13 tarik uni u bnai, u Vishal Sinha da ujor u wa wa da su u lyngba ka OLX cha u bru wa tip kam u Srikant uwa na Umroi Airport, Ri-Bhoi yow thied ya kawi ka Honda Scooty wa em ya u number ML-05R-2003, tangwa uni u bru ym em wan e u yaka Scooty katkam wa da kular.
Haka ka 20 tarik uni u bnai, ka B. Dkhar da ujor ko wa uwi u bru wa ym tipmit ko da thok u ka hadien wym wan e u yaka Maruti Alto-800 wa em ya u number ML-10B-1115 kawa da dep su ko lyngba ka PayTM.
