Shillong: U Montri ka chnat mar baam ka jylla, u James K Sangma da ong u wada khut yalang u ya waroh ki Deputy Commissioner ki District neibynta wow pyntikna wa ym em iwon iwon wa chim kabu wow dai palat yei dor ya ki mar baam mar dih nhadien wa poor u khñiang COVID-1-9.
Hawa yaklam wa kiwa pathai khubor ynne ka sngi, u James da ong u wa ka sorkar daw chim ko ya ki luti wa kiwa khayi wa kiwa dai mar baam ymtoh u chim kabu ki kam ha kini ki por.
Heijooh i por da ong u wa ka sorkar ymye ko wow khang ya ki yaw ki haat neibhah wa ki paidbah emkaam ki wow thied ya ki tiar emkaam wa man ka sngi.
Kam wow kdaw heini ka sorkar ynnin ka sngi, da khang ko ya waroh kiwa puræ wa ki thaw paidbah ha jylla hadooh ka 31 tarik uni u bnai, wow yada nei poor uni u khñiang.
Discussion about this post