Kular u Prestone wow chimkhia u pynyoh sarok wa paka ya ki 22 tylli ki chnong

U sarok man u u budloom ya i roi i paar wei ha kani ka juk i em u sarok wanrah i chiboon i myntoi ya ki paidbah nadooh i khih i kreh, i kamai, i rep wa kiwi tangwa dang em ki chnong hapoh ka jylla kiwa ympu yoh ya u sarok wa paka hadooh kini ki sngi.

Ha kani ka kynti ki paidbah ki 22 chnong ka thaaiñ Syntumaw-Umdohkha, Ri Bhoi District da e dorkhat ku ha u Deputy Chief Minister uwa man leh u Montri ka PWD (R), u Prestone Tynsong wow chna noh ya u sarok wa 10 Km wa ka yingkieñ ha ka Wah Umsiang ha Pahamdingngan.

Ya ki 22 chnong da yahkhmat da u MLA ka Mawhati uwa man leh u Chairman ka 22 Shnong Joint Action Committee, u Charles Marngar, wa u MLA ka Nongpoh u Mayralborn Syiem deilang wa ki waheh chnong.

U Charles Marngar da ong u wa uni ymtoh du u sarok tangwa u thiedsnaam heiwa khlem oo ki kaam wa jhan leh man kiwa jngai.

Da ong u leh wa nadooh kiwa punkhon, kiwa kjut, ki warep waroh chem chitom ki.

Related posts

Ksoh kiwa na Assam ya ka Police Escort, sahkut deilang wa u Montri warim ka Meghalaya

September 18, 2025

U pynbiang yei sumaar nadooh na tre wa i yakhun pyrchah yei i drugs ki thong wa hakhmat u Wailadmiki kam u Montri

September 18, 2025

Ha ka dorkhat wa da e da khana leh yei chem chitom ki paidbah khamtam hei lyur wa ktieh iwa pynbor ya ki manbei, tymmen wa ki khynnah wow lai dei kjat. 

U Mayralborn Syiem da ong u wa man iwa miat wa yachem wa u Prestone chirup wa kiwa yahkhmat ki 22 chnong heiwa ka Joint Action Committee da yoh ko leh wow e ya ka dorkhat heiwa oo leh da ap u yeiwa kwah ki paidbah ka thaaiñ wei da kular u leh wow chimkhia yeini.