Ka Khasi Hills Autonomous District Council (KHADC) daw wanrah ko yei pynkylla ya ka ka Khasi Hills District Establishment Management and Control of Market, iwa man i pynkylla ha ka sien wa ar wei ini i pynkylla toh wow pynkhlan chooh choh ya kani ka aiñ neibynta wow yarap ya ki warep wei wow pynkhlan ya ki yaw wa em hapoh u pood ka Council.
U Titsostarwell Chyne uwa man u CEM ka KHADC da ong u wa lyngba ini i pynkylla ya kani ka aiñ daw khanglaad ya ki kaam pyrchah aiñ ha ki yaw ki haat, nadooh ki kaam yakhle, i dai kiad khamtam ha Iewduh kawa man ka yaw kyntang.
Da ong u leh wa em boon tylli ki yaw hapoh ka KHADC, tangwa katni kiwa boon ympu tipmit ya ki da ka KHADC wei deiwa pynkylla ya kani ka aiñ daw tipmit noh ya ki.
Chooh chooh da pyntip u leh wa ka Executive Committee da rai ko leh wa ha ka dorbar mang tyngka ka KHADC ka wow man ha ka 26 tarik uni u bnai, daw wanrah ya i pynkylla ha Khasi Hills Autonomous District Solid Waste Management Bill wow phah biang cha ka chnat District Council Affairs khnang wow yoh yei mynjur.
