Kiwa chong chnong ka dong Pambhoi, Modop da pynsñiaw ki yei sñiawsih yeiwa sih u sarok du hadien soo bnai wa da chna wei ini i bynta kattæ da man u kam u sarok ktieh hadooh wa da chem chitom ki wow lai u wan.
Da dawa ki na ka PWD kamjooh u Contractor wow pynche ki wa neiyi i daw wa da man uni u sarok hadooh kat deini uwa dang dep chna wot.
Da kylli leh yei daw wa booh da ki chrot khian ha i bynta u sarok wow psiah chapoh chnong hadooh wa da wit u lai u wan iwa da man lakam wa khang ya u sarok.
Neiliang ki dkhot ka JSM Nartiang Circle, u R. Nongtdu da ong u wa emkaam ya u Contractor wow kreh biang deiwi wei kamjooh leh ya ka PWD wow wan pait biang neibhah ka poisa da su deiwa biang yow chna u sarok neibynta i miat i bha.
Chooh chooh da ong wa i rukom chna ya uni u sarok toh deiwa leh tangdep donhi neibha wot da ki kari 4X4 leh ym lait de wow lai na uni u sarok wot dei kjat leh da chem chitom.
Discussion about this post