Yap 9 ngut nei kheiñ ka yingkieñ ha Gujarat

Kamwa 9 ngut ki bru da yap ki wei 5 tylli ki kari da ngam ki ha ka wah Mahisagar hadien wa kheiñ ka yingkieñ ha Padra, Vadodara District ka jylla Gujarat ynne i sngi.

Ki dur wa da poor da yoo ya ka Truck kit phñiang wa da neh ko chiteiñ ha kani ka yingkieñ katwa ar tylli ki Truck, kawi ka SUV, ka Pick-up Van wa ka Auto-Rickshaw da ngam ki ha ka wah.

U SP ka Vadodara (Rural), u Rohan Anand da ong u wa da chem ya 9 tylli i metyap wei da yoh u yarap ya ki 9-10 ngut.

Ki bor District da pyntip ki wa da pynemkaam da ki Crane wow sai ya ki kari wa ngam wei i thooh ya kiwa wiar dang pteiñ i.

Related posts

Lada ym pyndam ka seiñ ki karkhana Cement yei pynche heiyatoh wa i pynemkaam Bulker Truck daw yaleh ka AMTT da ka PIL

April 17, 2026

Daw pynkynmoo biang ka HSPDP ya u CM wow sdang biang i klam pynbait pood wa ka Assam

April 17, 2026

Da suba wa i sih kani ka yingkieñ ye i wow pynman ya ka wow kheiñ ko.

U Chief Minister ka Gujarat, u Bhupendra Patel da phah takit u hajrong ini i jia wei da phah leh ya ki National Disaster Response Force cha ini i thaw wow yarap ya ki bor District.

Ya kani ka yingkieñ da chna ha u snem 1985 wei da pynyabi ko ya ka Anand wa Vadodara District ka Gujarat.