Kam chibynta i leh burom ya ka Mother’s Day wa haap ha ka 12 tarik uni u bnai, ka Women’s Welfare Committee, Loomkyrwiang Dorbar Chnong ha ka 11 tarik i janmiet da pynman ko ka yachemlang wa kyrpang ha Yungwalieh heiwa da sakhilang leh ya kani ka yalang da u Lammat-Oo Laloo, Waheh Chnong Loomkyrwiang, u Daioolang Pakma, Symbood Waheh Chnong wa kiwi kiwa ksoh kaam ka Dorbar Chnong.
Ha ka yalang wa da pynlai da ka Riwanki Laloo, Member WWC Loomkyrwiang, da kdar yahkhmat chwa da i ngoohblai na ka Hakanihiwot Lywait, Member WWC Loomkyrwiang neitae pynbood won i khana yei parom i lai luti ka Women’s Welfare Committee da ka Kongka Shullai, Chairperson WWC Loomkyrwiang, i klam kyrpang heiyatoh wa ka Mother’s Day na ka Samhakani Laloo, Secretary WWC Loomkyrwiang katwa ka Yoosarda Najiar, Social Welfare Officer, West Jaiñtia Hills da khana ko hapyrdi ki manbei ya ki laad yarap kiwa ka sorkar mang kyrpang ko neibynta ki manbei kiwa kha khon wa kiwi kiwa man i myntoi ya ki manbei.
Ka Enity Pakma kam kawi na kiwa chah pynkupburom ha kani ka sngi hei klam yong ka da e mynsien ko ya ki para manbei wei kitbok kitrwiang ko leh ya ka Committee khnang yow ye chooh ko u leh chiboon ki kam neibynta i miat i bha ki khon kynthai waka imlang sahlang yong ka chnong ka thaw ha ki dur ki rukom waphær.
Iwa kyrpang chooh chooh leh ha kani ka sngi da yoh i klam i kappæ, i kyrsu kyntu wei e mynsien ya ki manbei ka Dorbar Chnong na u Symbood Waheh Chnong Loomkyrwiang wei da em leh i pynkup burom wa kyrpang ya ki manbei kiwa da palat ya ka 70 snem chaneiñ i rta.
Ya kani ka sngi da pynchongchit wei pynphooh pynphieñ leh da ki chaad ki rwai wa kiwi ki lehke wa da chimbynta da ki khyllood wa ki khynnah.
Discussion about this post