Lai booddien ka PSM yeiwa slem u pynbna ya ka Result DSC

Ka Pnar Students’ Movement (PSM) ynne ka sngi da lai e dorkhat ko ha ka Additional Deputy Commissioner (ADC) ka West Jaiñtia Hills, ka B. Blah heiyatoh wa i slem u pynmih ya ka Result DSC.

Kani ka Result toh neibynta ki Post LDA, Male Supervisor, GRAM Sevak wa Copyist, wei ka seiñ da yaklam ko wa ka ADC wa lada slem ware u pynmih ya ka Result daw ktah ko ya kiwa yaleh Exam neibhah boon na ki Candidate daw poi i por wow palat i rta ki.

Related posts

Yaroh u Conrad yei krehlang ki MDC ka TMC ha GHADC neibynta i hok ki Garo

March 25, 2026

Da ki phaw tylli ki kari wa khayi masi khlem em wa kem ha West Jaiñtia, kyntu ka HNYM na u SP wow chimkhia

March 25, 2026

Da ong wa lada smat wow pynmih ya ka Result boi daw yoh ki u yakhun kreh sa 2-3 sien, wei hawa nujor wa kiwi tawon ki District, rap smat ki wow pynbna ya ki Result tangwa ha West Jaiñtia won slem bha ka DSC wow pynmih Result.

Hajrong ini waroh, ka ADC da pynsñiaw ko wa da toh hi wow pynmih ya ka Result neibynta kiwa yaleh Exam wei neiliang yong ka da ong ko wow chimkhia hi wow yaklam wow DC hajrong ini i kaam khnang wow pynsuk ya ki khynroo khyllood wa yakhun ya kini ki kreh.