Ki pulit ka East Khasi Hills da pynkhreh ki wow paan bor na ka yung bichaar yow takit hadooh 10 sngi tam ya ki 5 ngut kiwa da suba wa pynyap ya u Raja Raghuvanshi, ya kiwa da rah ynne i janmiet cha Kasari.
Hawa pyntip yeini, u Superintendent of Police, u Vivek Syiem da ong u wa ki pulit da pynbiang ki ya waroh iwa emkaam hachwa wow rah cha Kasari.
Hawa kylli, u SP da ong u wa hadooh kattæ ki pulit ym pu yoh ki wow takit iyi iyi ya kini ki 5 ngut, tangwa ka takit wa leh hawa sdang da em i phla wei da em leh i khana wa man jar jiar.
Da ong u wa ki pulit ym pu lai yah ki ya kini ki 5 ngut cha Sohra yow phah batai yeiwa jia wei wow pynyoo kammon da leh ki wei yeini daw leh hadien wa da ye u pynsakhiat lut ryngkat ki sakhi ki sabut.
Ha iwi won i liang, u SP Vivek da pynche u leh wa ka hukum yong ka Kasari na Ghazipur wa Indore wa e por 3 sngi wa 7 sngi ya ki pulit ka Meghalaya toh iwa mut wa hapoh kini ki sngi wow kit wei takit wei wow pyndep ya ki kot ki sla ya kini kiwa da chah kem deiwa lai rah hakhmat ka Kasari ka Shillong.
Ini mut i wa ka Kasari da e por ko 72 kynta ya ki pulit ka jylla Meghalaya wow pyndep yei takit u bichaar ya ka Sonam Raghuvanshi wei da e por won 7 sngi neibynta ki 4 ngut wa kynthup ya u Raj Kushwaha, u Vishal Singh Chauhan, u Anand Kurmi wa u Akash Rajput.
U Vivek da pynche u leh wa hadien wa da chah takit wei chah rai pynrem hapoh ka Kahari, kini waroh 5 ngut daw chah kset ki hapoh phatok ha Meghalaya.
Discussion about this post