Lai yachem ka KSU ya ka Director ka DHS (MI) yow khana yeiwa duna ha Lumshnong PHC

Ka KSU Lumshnong Unit hapoh i yahkhmat u General Secretary, u Meshak Kyndoh deiwa emlang ki dkhot wei deiwa kyrchaan u KS Suchiang, President KSU Narpuh Circle da yoh ki wow yachem wa ka Director ka Health Service (MI) Shillong hajrong i duna ha ka PHC Lumshnong.

Neiliang ka seiñ da kdaw ko yei wym em Ambulance 108, u Transformer wa da sih, ka kor Ultrasound kawa em khlem u bru wa pynkrehkaam ya ka, i duna ki Staff Nurse kamjooh i wym em ka umbaam umdih neibynta kiwa kreh kani ka thaw sumaar.

Hawa yaklam wa ka Director, da kular ko wow chimkhia u pynbiang yeini wa duna.

Related posts

Hap hiar biang ka lieñsuiñ ka IndiGo kawa mut wow lai cha Guwahati mar ya dep hær

November 15, 2026

Dei ya krehlang ka Mobakhon wa ka Namdong A u khang pyrchah yei pynyap khiar ya ki dohum dohwah

November 15, 2026

Kam wow pynkynmoo wa ha kini ki bnai wa da dep, neiliang ka seiñ da yoh ko ya ki ujor na ki paidbah wei da dep leh wow yachem ya u Doctor wa pait ya kani ka PHC uwa da pdiang wa em sakhiat kitæ ki duna wei da dep u wow thoh cha u DMHO tangwa hadooh katni leh ym pu ye wow pynbiang yeiwa emkaam.

Neiliang ka seiñ da kyntu ko wow chimkhia ya ini i kaam neibhah kani ka PHC toh kawa leh yei kaam wa kordor bha ya kitu kiwa sah ha u sarokbah wei da chem chitom bha ha kam kini ki por wow e yei chakri wa biang.