Lehkmen ka Aditya Birla Sun Life Insurance yei dap 18 snem i em ha Jaiñtia Hills

Ka yung krehkaam ka Aditya Birla Sun Life Insurance Co. Ltd, Jowai Branch kawa em ha Ladthadlaboh, ha ka 26 tarik u April 2026 da lehkmen wei leh pynemburom ko yei dap 18 snem i lai luti ko ha Ri-loom Jaiñtia ha ka yalang wa pynlai da ka Rinibeth Patlong kawa man kam ka Financial Advisor kani ka yung krehkaam.

Da yoh yei klam pdiang burom wei klam maitphang na u Branch Head yong kani ka Office, u Mondaystar Dkhar, u kongsan ha kani ka sngi toh u Hercules Toi uwa man kam u Principal yong ka Kiang Nangbah Govt. College Jowai.

U symbood kongsan toh u Rajendra Sharma uwa man kam u Senior Regional Head yong ka ABSLI Guwahati Region, wei kiwi kiwa emlang ha kani ka sngi toh u Dr. Banjop Dkhar, Senior Medical Officer yong ka Dr. Norman Tunnel Hospital, Jowai wa u Dr. Mouldyson Ryngkhlem na Jowai Civil Hospital.

U kongsan hawa e yei klam yong oo da ong u wa ka Birla toh ka Company kawa da krehkaam katkam ka juk kawa katni (Technological Advancement) wei man ko ka Company kawa heh bha hapoh ri India, da ong haroh u wa i em yong ka kani ka Office ha Jowai da e myntoi ko ya kiwa boon ki khon ka Ri-loom Jaiñtia nadooh kiwa kreh wei khamtam ya ki Customer yong ka, da kyntu haroh u ya ki paidbah wow chim ki ya kani ka laad wow tip kammon u saiñdur ya ka manyung mansem yong ki ha ka kaam kynchew wei pynlang poisa khamtam ka laad wow pynyoo yei maya ya kiwa ha-yung ha-sem, ki khon ki kti lyngba ki Scheme wa e kani ka Office.

U Dr. Banjop Dkhar wa u Dr. Mouldyson Ryngkhlem da e yaroh u ya kiwa kreh yong ka Birla khamtam kiwa em ha Jowai Branch wa man ki ki bru kiwa chemphang wa kiwa ye u chaniah.

Related posts

Hadien 43 kynta yoh biang ki pulit wow kem ya ki 17 ngut ki koidi kiwa yoh u yut napoh ka Jail

October 28, 2026

Kut ka e sikai wa le bnai hajrong ka Self Defence ha ka skur ha Shangpung

October 28, 2026

U Branch Head yong kani ka Office da pynsñiaw u cha kiwa kreh yong ka wa toh u man ki kiwa em i kitkhlieh neibynta ki Customer yong ki wei wow yarap yeiwa emkaam ki. Chooh chooh da ong u wa i kam kiwa kreh yong ka Birla toh u e i i yarap cha ki khon yong ka Ri Jaiñtia khamtam lyngba ki Scheme kiwa kynthup nadooh ki Children Education Plan, Retirement Plan, Savings Plan, Wealth Creation Plan wa ki Protection Plan.

Da pynkut u yei klam yong oo deiwa e khublei u ya waroh ki Customer yong ka Birla wa em ki yei mynsien yakrehlang.

Da pynchongchit ya kani ka lehkmen da ki rwai wei chaad tynre na ki khynroo yong ka chong Mihmyntdu, ki manbei na ka chnong Sabahmuswang wei i rwai na u Dameki Kma.

Da yoh leh yei kyntien e khublei na u Ebormi Sutnga uwa man uwa kreh kani ka Birla Jowai.