Ka HITO Laskein Area ynne ka sngi da maham ko ya ki Nurse wa waroh kiwa kreh (Staff) kiwa wan kreh khlem biang por kamjooh leh ya ki Doctor kiwa wan kreh teiñ teiñ cha ki thaw sumaar ha ka thaaiñ Laskein.
Ini i maham toh hadien wa yoh ujor ka seiñ na ki paidbah heiyatoh wa ini heiwa da ong ki wa chem chitom bha ki paidbah da ini i leh kini kiwa kreh.
Ki paidbah da ujor ki leh wa kiwa kreh phah yang ki ya ki bru chibet chipor tangwa da chem ya ki wa chong parom ki ha kamra ki Nurse hadooh kamwa ar kynta.
Chooh chooh da ujor ki leh yeiwa ym jooh em dawai ha ki thaw sumaar iwa pynbor ya ki paidbah wow thied na ki Pharmacy ki bru samen.
Heiyatoh wa ini neiliang u President ka seiñ, u Nimainki Lyngdoh wa u Secretary, u Heibormi Biam da yachem ki wa u DMHO uwa da ong wa em hi ki dawai wei lada lut ha ki thaw sumaar kam ki CHC da wan thooh hi ki da ka kari kam na Laskein CHC.
Ka seiñ da phylla ko leh wa manda dooh bordiñ ha chnong, ka CHC leh dooh bordiñ wot ko iwa pynchitom bha ya kiwa thiah sumaar ha kini ki thaw.
Discussion about this post