Maham u Vincent wa daw hap khang noh ya ka St. Anthony’s, St. Edmund’s wa kiwi de

Ynne ka sngi, u President ka Meghalaya Pradesh Congress Committee (MPCC), u Vincent H. Pala, da yahkhmat u yei yakhih deiwa lai kjat nadoon Madan Fire Brigade hadooh Don Bosco Square, Laitumkhrah wow dawa pynhiar chuki ya u PM Narendra Modi wa u Home Minister, u Amit Shah, hajrong i pynkylla ya ka aiñ Foreign Contribution Regulation Act (FCRA).

Ka thaaiñ Laitumkhrah toh kawa em boon tylli ki thaw puræ wa pynlai da ki seiñ niam nadooh ka St. Anthony’s wa St. Edmund’s, kiwa chaniah nei yoh yarap poisa wa wan na baar ri kawa lai lyngba ka aiñ FCRA.

Ha ka yalang, u Vincent da beiñ u ya ka BJP kawa pyrchang wow pynmunjur deibor ya ka Bill hapoh ka Parliament ha kani ka tayaaw deiwa thung leh da u Whip u wow pyntikna yei krehlang wei man ryntih ki dkhot MP hawa wanrah ya kani ka Bill myntu, myntep næ mankawi heiwa ha Parliament u yaklam ya ka ha ka 13 tarik uni u bnai.

Da batai u wa i chah thombor ki seiñ niam wa ki seiñ kreh monsñiawbha wa yoh poisa na baar ri toh iwa nyngkong dooh wa jia kamni nadooh wa yoh laitlooid ka ri. 

Da ong u wa kani ka Rally toh neibynta ki paidbah wei ymtoh ya ka seiñ saiñhima neibhah kini ki chlem e sikai toh kiwa chakri paidbah wei ki wym toh kiwa pyrchah sorkar India wei da em ki leh deiwa ya krehlang wa ka sorkar. 

U Vincnet da ong u wa ini i pynkylla ya kani ka aiñ man i iwa maa tam deiwa kdaw kyrpang ya ka Clause 16(a), kawa mut lada ymye wow pynthymme ya ka FCRA License, næ lada e kti noh ya ka, ka sorkar ye wow chim yeiwa em hanla ki Balang wa ki skur yoh ki kajiak donhi leh ka yoh poisa na baar ri.

Related posts

Ha ka sien wa nyngkong nawa laitlooid lai ka jhaad kit mar na Assam cha Dhaka lyngba ka wah

October 9, 2026

Pynkhooid u khynroo ya ka wah | Mih i jhep hadooh 1000 Kg ha ki 22 sngi

October 9, 2026

U Vincent da ong u wa ka Congress ym pyrchah u yei pynkrehkaam ya ka aiñ wa man kawa khooid wei kawa em i bahkhlieh tangwa pyrchah yei pynchitom wa kynthuplang waroh ym du ya kitu kiwa pynemkaam bakla ya ka poisa. Da maham u wa ini i pynkylla daw ktah i ya ka jylla wei lada ym pynthymme ya ki License kini ki thaw puræ kam ka St. Anthony’s, St. Edmund’s wa kiwi daw hap khang noh ya ki.

Da pynrap u wa ini ymtoh i myntoi ka Congress tangwa ka Party yakhun ko neibynta ka mynried ki khon ki kti wei da tyrwa u yei yatylli neibhah ka India u khlan ko du hadien wa ki khian paid, ki seiñ kreh monsñiawbha hadooh ki Christan, ki Hindu wa ki Sikh u krehlang ki.

Kamtæ da dawa u wow hiar chuki noh u Modi wa u Amit Shah.