U waheh chnong ka Lumshnong, u Monlang Ladong da pyntip u wa uwa chah yooh ha ka Truck ka Star Cement hadooh wa yap toh uwa na Lumshnong wei ya uni uwa yah ya kani ka Truck ym pu em chem ya oo.
Da pyntip u wa kam ka chnong dang booddien ko yeini wei daw chong yachem wa ka Star Cement kamjooh ki pulit.
Neiliang uwa mihkhmat ya ka Star Cement, u Davendar Bhansal da pyntip u wa kiwa pynlai ya ka Truck yong ka toh kiwa na Meghalaya wei uwa yah ya kani ka Truck wa yooh bru toh uwa na Khliehtyrchi.
U Davendar da khana u wa da em chwa i ya kajai hapyrdi uwa yah Pick-Up wa uwa yah Truck heiwa kani ka Pick-Up da kdong ko ya kani ka Truck hadooh wa poi ha Star Cement wei manda psiah kani ka Truck chapoh ka karkhana, uwa yah ka Pick-Up da wan u dei kjat wei da yieñ u hakhmat ka Truck wei da ku u ha u Bumper kani ka Truck deiwa sdang wow dat ya ka yit ka Truck (kani ka Truck toh ka wym em khmut).
Heini i por uwa yah Truck wa ye u man neidaw wa tieñ u, da lai u chakhmat wei da haap uni uwa yah Pick-Up heiwa da chah yooh u. Mar ya jia ini da phah smat ya ka Ambulance wa u Doctor ka Star Cement tangwa uni u bru da khlaad noh u.
Katkam ka Video ka CCTV da yoo wa manda poi ha ka Gate ka Star Cement kawa wai kajiak donhi, kani ka Truck da hap lai suki ko wei heini i por uwa yah ka Pick-Up da wan u deiwa ku ha u Bumper kani ka Truck tangwa da lai bait ko khlem sangeh wei nadien da em ki bru wa kdong dei kjat deiwa wan leh sa ka kari Pick-Up.
Hadien wa bna wa jia ini, da wan ki bru paidbah kiwa da thang ya ki Truck wei da psiah ki leh chapoh ki thaw krehkaam deiwa tympra leh ya ki Computer, ki chuki ki miej wa ki tiar ki em hapoh kamra.
U Davendar da pyntip u leh wa da em hadooh 27 tylli ki Truck wa da chah ktah.
Discussion about this post