Paan ka KHADC T.1544 klur naka sorkar pyrdi neibynta ki kaam pynroi

Shillong: Ka Khasi Hills Autonomous District Council (KHADC) da paan ko hadooh T.1544 klur na ki chnat sorkar pyrdi waphær waphær ha i yachem wa ki Montri Khynnah (Minister of State) ha nongbah Delhi ha kini ki sngi wa da dep.

Hawa pyntip ya ini u Dy. CEM ka KHADC uwa pait yaka Finance, u Pyniaid Sing Syiem da pyntip u wa ha i yachem wa ki Montri Khynnah, yaka Council da mihkhmat da oo wa u EM ka Land kiwa da lai e dorkhat wow pynsñiaw yei emkaam poisa kawa da booh leh hakhmat ka 15^th Finance Commission heipor wa wan ko cha Shillong.

Da ong u wa ini i paan poisa na ki chnat ka sorkar pyrdi da man ko yow ye ka Council wow kreh ya ki kaam neibynta wow pynmih poisa wow kyrchaan pyn daka yaka hi lyngba ki dan wa kiwi ki mih, wei da pynsñiaw ki leh wa ki kaam wa ka Council em ko i thmu wow leh yoh wow pynneh wei wow pynmiat pynbha yaka rymaw haka thaaiñ ha ki bynta wa da miat chwa ko, u pynneh pynsah kamjooh yaka dustur riti nadooh ka kup ka sem, ka put ka tem wa kiwi kiwi.

Da ong u leh wa ka KHADC da paan bhah kyrpang ki leh heiyatoh waka Forest Department wow pynyirngam biang ya ki thaw wa syllen wei wow chna yaka yung krehkaam wa thymme ka KHADC.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Pyniaid da pyntip u leh wa i lai cha Delhi da yahcem wa u Montri Khynnah wa pait yaka Finance & Corporate Affairs, u Anurag Singh Thakur heiwa da e dorkhat leh waka chithi wow paan kyrchaan yarap piosa na ka sorkar pyrdi neibynta u snem 2019-20, wei da pyntip ha u Montri wa da dep e dorkhat leh cha ka 15^th Finance Commission neibynta ini i emkaam.

Heiyatoh won wa i kyrpaad wow yoh ya ka yarap wow pynku ya ka kaam ri dakha, neiliang ka Council da yachem ko wa u Montri Khynnah ka Animal Husbandry & Micro and Medium Scale Enterprises, u Pratap Chandra Sarangi uwa da kular wow yarap yeiwa thrang ka Council.

U Pyniaid da pyntip u leh wa ha kani ka lai yachem da yachem leh yaka Renuka Singh Saruta kawa man ka Montri Khynnah kawa pait yaka Tribal Affairs yow paan bhah kyrpang wow chna ya ka yaw yong ka Council ha waroh ki District yow ye u e kaam yow yoh nong ka Council leh kamjooh.

Neiliang u Titosstarwell Chyne u EM wa lai lang cha Delhi uwa man leh u Chairman ka Khasi Traditional Medicine Commission ka KHADC da pyntip u wa da e dorkhat yung krehkaam u Montri Khynnah ka AYUSH neibynta wow pynku ya ka kaam sumaar kynbat Khasi, wei ya kani leh ka kular ka Ministry wow e yarap.