U Montri ka chnat Food Civil Supplies & Consumer Affairs uwa man leh kam u Chairman ka State Consumer Protection Council, u Comingone Ymbon ynnin ka sngi da pynlai u ya ka yalang ka State Consumer Protection Council kawa da pynman ha Main Conference Hall, Main Secretariat Building, Shillong deiwa emlang ki dkhot kani ka Council wa kynthup ya ki MLA kam u Rupert Momin, ka Santa Mary Shylla wa u Damanbait Lamare deilang wa kiwi ki heh sorkar.
U Pravin Bakshi, Commissioner & Secretary ka chnat Food Civil Supplies & Consumer Affairs da khana u wa da yachem yow yaklam ya kiwa boon ki kaam wa da leh da ka chnat kam ka Price Monitoring System (PMS) kawa pait yei dor ki 22 tylli ki jait baam wa emkaam yow pyntikna wym ku dor ki hapoh ki District wa ki Sub-Division heiwa ka Price Monitoring Vigilance Committee da phah ki ya ki Report cha ka CONFONET, e-Daakhil Portal.
Ha kani ka yalang da yaklam leh yei khayi pyrchah aiñ yei chini cha Bangladesh heiwa da phah leh ya waroh ki District wa Sub-Division yow yaklam wei wow ya krehlang ki wa ki Border Security Force (BSF) deilang wa kiwi ki chnat yow lait u ku dor i chini.
Da yaklam leh yow pyntikna wa biang i saam ya u khoo rachon cha ki paidbah wei wow pyntikna wa poi u khoo da uwa khooid wei wow pynman leh yei pynsñiawthooh paidbah kamjooh ki thap pyrtuid hapoh u Aadhaar.
Sa kawi ka phang wa da yaklam toh hajrong u khoo wa tip kam u Fortified Rice wei yei emkaam wow pynsñiawthooh paidbah chaphang uni u khoo wei wow lai pait lai sylli dei langær ya ki Petrol Pump yow pyntikna wa i phñiang toh iwa khooid.
Neiliang u Montri da kyntu u ya ki sahep sorkar wow pynjoor ya ki pynsñiawthooh paidbah yei hok yong ki hapoh ka District wa hapoh ka jylla waroh kawi wei wow khut leh ya ki Self Help Group yow pynman yei pynsñiawthooh paidbah ha waroh ki chnong.
Discussion about this post