Jowai: Ka lympung yalehke 2nd District Open Badminton Championship yong ka East Jaiñtia Badminton Association (EJBA) ynne ka 18 tarik da poi ko chawa kut ha Indoor Stadium, Dkhiah East Jaiñtia Hills.
Ha kani ka sngi u CEM warim yong ka JHADC u Hambertus Nongtdu da man u kam u kongsan.
Ha kani ka sngi da emlang u Dawan Shullai, u Stephan Blah kam kiwa chah khut sñiawbha chirup wa kiwa kitkaam ka East Jaiñtia Badminton District Association.
Ka Association da pyntip ko wa hei yakrehlang wa ka yungkrehkaam u DSO East Jaiñtia daw pynman ki yaka Coaching Camp wei ya ka tarik daw pyntip won hadien.
Heijooh i por ka Association da e khublei ko ya ar ngut ki MLA ka District kiwa kynthup ya u Justine Dkhar wa u Hopeful Bamon neibynta i kyrchaan yong ki ha kani ka lympung.
Ha kani ka lympung ha ka kyrdan Men’s Single da jop u Teibor Swer ya u Rosterwel Synrem da 21-19, 21-12.
Ha ka Men’s Double u Morit Swer wa u Paka-i-yo Suja da jop ki ya u Deiborme Pahoh wa u Ohipaya Chyrmang da 21-15, 21-15.
Ha ka Men’s Single (45 snem chaneiñ) u Cherish Paslein da jop u ya u Never Lamurong da 21-18, 19-21, 21-7.
Haka Men’s Double (45 snem chaneiñ) da jop u Morit Swer wa u Never Lamurong da jop ki ya u Cherish Paslein wa u Billy Nongtdu da 21-15, 21-12.
Discussion about this post