Ki hati khloo da sdang thom biang ki ha ki thaw rep wow thooh baam ha thaaiñ Mawsynram, heiwa da ong wa kini ki hati da tympra ki ya ki thaw rep wei da booh ki hei maa ya ki paidbah wa chong chnong.
Hawa pynsñiaw yei sñiawkhia hajrong ini, u MLA ka Mawsynram, u Ollan Sing Sun da ong u wa kamwa man, kini ki hati ympu booh ki hei maa ya ki bru tangwa kiwa chong chnong em ki hei tieñ wow lai cha ki kaam wa ki thaw rep neibhah ki hati uiñ kulmar ki ha ka thaaiñ wei da uiñ kylleiñ ki chnong wow thooh thaw sah.
Da ong u wa kini ki hati da wan thooh baam ki chadooh cha chnong Lawbah, wei katkam wa man em kamwa 5 tylli ki hati kiwa uiñ ha ka thaaiñ.
U MLA da pynsñiaw u yei sñiawkhia leh hajrong i suki ki chnat kam ka chnat Forest wow leh yeiwa emkaam wow beh ya ki hati na ka thaaiñ Mawsynram, khamtam ha kam kini ki por wa kiwa rep da toh por wow lai ki cha bri.
Discussion about this post