Psiah ka Meghalaya cha ka National Championship deiwa jop ya ka Arunachal

Ka Meghalaya da yoh ko wow psiah cha ka lympung Men’s Senior National Football Championship ka Santosh Trophy deiwa jop ya ka Arunachal Pradesh da 2-0 ha ka Regional Qualifier wa pynman ha JN Stadium, Shillong ynne ka sngi deiwa yoh nyngkong ha ka Group A ka North East Zone.

Ka Meghalaya da emkaam du wow ya drawn yow yoh nyngkong hapoh ka Group katwa ka Arunachal won emkaam ko wow jop.

Hachwa ini, ka Meghalaya da jop ko ya ka Assam da 6-2 katwa ka Arunachal waka Assam da kut ka yalehke ki da 0-0.

Ka Arunachal ynne ym em pynsuk ko ya ka Meghalaya kawa da hap wow yalehke du 10 ngut hadien wa u Gyamar Tating da yoh u ya kawa ar ka Yellow Card hawa sdang ka kylla miet.

Related posts

Santosh Trophy 2025-26: Jop ka Meghalaya ya ka Odisha

January 22, 2026

Da khut ya ki khynnah wa hapoh 18 snem cha ka Winter Coaching Camp ha Kiang Nangbah Stadium

January 22, 2026

Ka Meghalaya da yoh ko wow thap ha ka minit wa 87 lyngba u Sangti Janai Shianglong uwa da mih salan.

Ka Meghalaya da yoh ko wow thap sa chi kool chwa wow kut ka yalehke lyngba ka Penalty wa thap u Hardy Cliff Nongbri yow jop da 2-0.

Kamtæ ka Meghalaya da yoh ko 6 Point na ki 2 tylli ki yalehke.