Psiah ka Pomlahier waka Eastern Pirate cha ka Quarter Final yong ka 5th Mawryngkneng Invitation Knockout Football Tournament

Jowai: Ka Pomlahier SC da psiah ko cha ka Quarter Final hadien wa pynrem ko yaka Sohryngkham SC da 3-1. Ha kani ka sngi ka Pomlahier da yoh ko wow thap ya ka kool wa nyngkong ha ka minit kawa 42 lyngba u Lam Nongsiej wa ka kool kawa ar wa wan lyngba u Thrian Khongiong ha ka minit kawa 51.

Ka Sohryngkham da yaleh ko katwa ye wow thap ya ka kool wa nyngkong yong heiwa u Winster Kharpran ha ka minit kawa 63 da yoh u thap chi kool wei hadien ini ka Sohryngkham da yaleh ko wow thap sa chi kool yow lait na i rem tangwa ha iwa khaddooh lyngba u Pynbhalang Marngar da pyntikna u wa ka Pomlahier da yoh ko u psiah cha ka Quarter Final ha ka minit kawa 90+4.

Hawa kyruiñ won cha ka yalehke hapyrdi ka Eastern Pirate pyrchah ya ka Spainlang SC kawa na Smit kawa pynman haka 15-06-2019, ka yalehke man ko kawa yoosuk bha heiwa ka Eastern Pirate ka da yoh ko wow thap ya ka kool kawa nyngkong lyngba ka Freekick yong u Micky Tynsong ha ka minit wa 25 yong ka kylla step. Ka Spainlang da yoh ko wow pynuiñ chi kool na u B. Kharbangar ha ka minit kawa 63 yong ka kylla miet, kamtæ hadooh wa kut por ka yalehke da kut ko da 1-1.

Kamtæ da pynman daka yachut Tie-Breaker yow rai ya kiwa jop, heiwa ka Eastern Piarate da jop ko da 4-3 ya ka Spainlang.

Related posts

District Cricket League: Jop ka Young Lad’s ya ka Phramer

May 13, 2025

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Haka Mawryngkneng Super Cup won, ka Pdengshnong da jop ko yaka Sawkyntoit da 3-0 lyngba ki kool u Yohbor Lawai haka minit wa 8, u Ribanjop Kharsati haka minit wa 31 wa ka kool wa khaddooh lyngba u Yowanki Mukhim haka minit wa 49.

Ha sa kawi ka yalehke ka Mawryngkneng Super Cup, ka Nongdawah da jop ko yaka Sohlyngi da 4-0 lyngba ki kool yong u Nelson Mynsong haka minit wa 15 wa 25 wa na u Wanshai Dkhar haka minit wa 50 wa 67.