Pteiñ i challan tooh ya u mooyong

Katkam wa pyntip ki pulit, haka 14 tarik uni u bnai, ki pulit ka Umkiang PP East Jaintia Hills da chem ki ya ar tylli ki truck (AS-01BC-1499 & AS-01DD-3691) kiwa kit mooyong pyrchah yaka hukum ka NGT.

Haka 18 tarik heipor 1:30 i step synyaw, ki pulit da kem ki ya kawi ka truck kit mooyong (AS-01LC-6846) wa yah da u Bikrom Boro ha Lad Umsaw Ri-Bhoi pyrchah yaka hukum ka NGT.

Haka 19 tarik heipor 4:30 i step, ki pulit da kem ki ya ar tylli ki Dumper Truck (ML-11-4417 & ML-05R-9559) ha Lad Umsaw Ri-Bhoi, kiwa kit mooyong wa tymmoh da u moochuni na jrong yow murieh ya u mooyong.

Haka 20 tarik ki pulit da kem ki ya ar tylli ki Dumper Truck (ML-10B-8821 & ML10B-8841) ha Lad Rymbai Dongwah Petrol Pump (EJH), kiwa pyntip toh yow pynemkaam yow kit mooyong pyrchah yaka hukum ka NGT.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Haka 21 tarik heipor 9:30 i miet, ki pulit da chem ki yaka truck (ML-05T-3595) heipor wa dang thap mooyong yow kit pyrchah yaka hukum ka NGT, ha Rymbai Road East Jaintia Hills. Tangwa ki wakreh wa thap mooyong da yoh ki wow yut.

Haka jooh ka sngi heipor pyrdi synyaw, ki pulit da chem ki yaka truck (AS-11DC-5245) wa kit mooyong wa yah da u Md. Muktar Ali ha Umpleng, East Jaintia Hills.

Haka jooh biang ka sngi, ki pulit da chem ki ya 5 tylli ki truck dumper (1) ML-11-7840, (2) Temp No. 2654, (3) ML-11-8779, (4) ML-10B-4661 wa (5) ML-11-9991, wa yah da u (1) Lasborn Langbang, (2) Thasone Pale, (3) Tyrchainmeki Bareh, (4) Lobing Stone Suchiang wa u (5) Heihok Wano Passah, heipor wa dang kit mooyong ki pyrchah yaka NGT ha Dkhiah East East Jaintia Hills. Ki pulti da kem ki leh ya kawi ka kari Maruti Alto K10 (ML-11-0186) wa yah da u Donbok Syad, hadien wa uwa yah da lai yachem u wa u PO yow yaklam neibynta ki kari wa chah kem.

Haka jooh hi biang ka sngi, heipor 11:45 i sngi, ki pulit da kem ki ya soo tylli ki truck (1) AS-01CC-6379, (2) AS-11DC-4584, (3) NL-01AD-2764 wa (4) AS-11CC-9686) kiwa khlem em wa yah kari wa pynyieñ ha Mynkre Petrol Pump, East Jaintia Hills kiwa kit mooyong pyrchah ya ka hukum ka NGT.

Haka 22 tarik, ki pulit da kem ki ya ar tylli ki truck (1) ML-10B-2045 wa (2) ML-05D-4930 heipor wa kit mooyong tooh ki ha Saw Number Area Ri-Bhoi, pyrchah yaka NGT.

Haka 23 tarik, heipor 2:15 i step synyaw, ki pulit da kem ki ya kawi ka truck (ML-10C-0875), heipor wa kit mooyong ko pyrchah ya i hukum ka NGT hat Umjarong, Ri-Bhoi.

Also Read: Phah u Conrad ya ki pulit wow kem ya kiwa khayi mooyong pyrchah yaka aiñ