Ka East Jaintia Taxi’s Owner Driver Association da pynbna paidbah ko ya ka bai kari hapoh ka Khliehriat Region heiwa kiwa boon ki dor toh kiwa neh kamjooh wei em leh kiwa da pynthymme.
Da pyntip leh wa kini ki dor kiwa da booh toh kiwa da mynjur da ka yung krehkaam u Deputy Commissioner ka East Jaiñtia Hills wei da kyntu ya kiwa kamai kari wym toh u chim tam lane wow pynduna dor na iwa da booh wei lada chem ya kam kitæ, neiliang ka Association daw leh ko ya iwa emkaam. Chooh chooh da ong wa lada chem kiwa chong kari wa em kiwa leh tam ye ki wow pyntip cha ka Association.
Da pynche wa kani ka bai kari toh kawa da kheiñ du neibynta ki Main Road donhi wei lada em kiwa kwah wow lai da kiwi tawon ki sarok daw hap ki wow su pyntam ka bai kari.
Ka Association da kyrpaad ko leh ya waroh kiwa chong kari wow sumaar bha ki ya ki tiar ki tar yong ki yow lait u jinjar kiwa yahkhmat ka seiñ neidaw wa boonsien ieh mylliñ ya ki tiar ki tar.
I pyntip na u President, u Shining Siangshai (8413071013).
Discussion about this post