15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pynbna ka sorkar pyrdi ya ki kyndon ka Unlock 4

Advertisement ad1
Advertisement ad1
Advertisement ad1

Ynne ka sngi ka sorkar India lyngba ka Ministry of Home Affairs da pynbna ko ya ki kyndon wow wai chooh chooh ya ka ri kawa tip kam ka Unlock 4 hadien wa ka hukum neibynta ka Unlock 3 u kut noh ko haka 31 tarik uni u bnai. Kini ki kyndon ka Unlock 4 u neh ki hadooh ka 30-09-20.

Hapoh ka Unlock 4 ym pu chah wow wai ki skur wa ki College, ki Coaching Institute hadooh ka 30-09-20 tangwa chah hi wow leh yaka Online/Distance Learning wei da pynchlur wow leh ya kini.

Da chah wow khut hadooh 50% kiwa sikai wa kiwi ki wakreh ha skur yow leh yaka Online Teaching/Tele Counseling wa kiwi ki kaam wa yatoh wa ini lait noh ha ki thaw wa em hapoh ki Containment Zones nadooh ka 21-09-20 heiwa yaki kyndon namo ki Standard Operating Procedure (SOP) daw pynmih daka Ministry of Health & Family Welfare.

Ya ki khynnah wa puræ Class 9 hadooh 12 ye wow chah wow wan ki cha ki skur kiwa em cha baar ki Containment Zone tangwa ya ini ym toh wow pynbor kamjooh leh emkaam wow yoh yei mynjur wa da thoh dei thoh da ki bei ki pa lane kiwa pait ya ki khynnah nadooh ka 21-09-20 heiwa ya ki kyndon daw pynmih daka Ministry of Health & Family Welfare.

Ki Skill lane ki Entrepreneurship Training daw chah hapoh ka National Skill Training Institutes, ki Industrial Training Institutes (ITI), Short Term Training Centres kiwa da em pyrtuid waka National Skill Development Corporation lane ki Skill Development Missions lane wa kiwi ki Ministry ka sorkar India lane ki sorkar jylla.  Chah hi leh ya ki National Institute for Entrepreneurship & Small Business Development (NIESBUD), Indian Institute of Entrepreneurship (IIE) wa e ki ya i sikai nadooh ka 21-09-20 heiwa ya ki kyndon daw pynmih daka Ministry of Health & Family Welfare.

Ya ki thaw puræ wa heh kyrdan namo ki Higher Education Institutions du neibynta ki Research Scholar (Ph.D) wa ki Post-Graduate Students kiwa lai puræ ha ki Technical wa Professional Programmes kiwa emkaam ya ki Professional Laboratory/Experimental Works. Ya kini u chah da ka Department of Higher Education (HDE) deiwa ya krehlang waka Ministry of Home Affaris.

Da chah wow krehkaam ki Metro Rail nadooh ka 07-09-20 deiwa wai suki suki.

Ki yalang paidbah kam ki Social/Academic/Sports/Entertainment/Cultural/Religious/Political wa kiwi kiwi deiwa em du 100 ngut ki bru u chah nadooh ka 21-09-20 deiwa bood yaki kyndon. Katwa iwa yatoh wa i bia ym toh won u em palat 50 ngut ki bru wa chah khut sñiawbha katwa ha i yap bru ym toh wow palat 20 ngut u pteiñ hi hadooh 20-09-20 wei hadien ini daw chah 100 ngut donhi.

Ki Cinema Hall, Swimming Pools, Entertainment Parks, Theatres wa kiwi ki thaw wa ya sariem wa kini u man hi ki kiwa khang. Ya ki Open Air Theatres u chah wow wai ki nadooh ka 21-09-20.

Ya ka Lockdown neibynta ki Containment Zone u pteiñ ko hadooh ka 30-09-20.

Ki jylla ym toh u pynbna ki ya ki Lockdown lait noh hapoh ki Containment Zone khlem da pyntip chwa yaka sorkar pyrdi.

Ym toh u khang yei lai i wan hapoh ka jylla wa kiwi ki jylla ya ki mar kamjooh ki bru wei ym emkaam wow yoh bor wow leh ya ini.

Ya waroh kawi ka hukum ye phi wow yoh heini.

Share this:
Previous

Dang yaklam ka sorkar waka NEHU hajrong i pynman ya ka Exam Final Semester, ong u Rymbui

Next

Ha u Loom Tiniang da pynbam smai ya ki dkhot ka HYC Laskeiñ Block Circle