U Joint Secretary ka chnat Health & Family Welfare ka sorkar Meghalaya da pynche u heiyatoh wa suba ki kari Ambulance wa em 25 tylli kiwa da thied daka sorkar jylla toh kiwa da rim wei kiwa da pynemkaam chwa.
Da ong u wa ha u bnai April, 2020 da thied ya kini ki 25 tylli ki Ambulance wa thymme lyngba ka Chief Minister Relief Fund for COVID-19 wei da thooh ki nyngkong yaki Ambulance wa thymme kam chibynta wow yaleh pyrchah ya u COVID-19, tangwa neidaw wa em ka Lockdown hapoh ka ri, ym em kiwa dai kari wei hadien wa da thooh laad wei neidaw wa man ka kaam kawa jhan, deiwa yoh yarap naka GVK/EMRI Uttar Pradesh da yoh wow thied ya kini ki Ambulance naki.
Da pyntip chooh chooh u wa kini ki Ambulance toh kiwa da em pahooh (Surplus Fleet) yong ka 108 Emergency Medical Transport Service, UP (East), kamtæ man ki kiwa dang thymme hi kiwa da pyndait ya kiwa emkaam wei man ki kiwa dang miat hi.
I dor kawi ka Ambulance toh T. 18,000,00 kawi wei waroh 25 tylli da poi i dor ki T. 45,000,000.
Da pynkut u deiwa ong wa kiwon kiwon kiwa kwah u pait hadooh katwon da lai (Mileage) kini ki kari ye ki wow leh ya ini yow pynsakhiat wa toh kiwa ym pu em pynemkaam.
Ki Registration Number kini ki 25 tylli ki Ambulances toh UP32MN 7539, UP32MN 7541, P32MN 7543, UP32MN 7545, UP32MN 7546, UP32MN 7547, UP32MN 7548, UP32MN 7549, UP32MN 7550, UP32MN 7551, UP32MN 7552, UP32MN 7553, UP32MN 7554, UP32MN 7558, UP32MN 7559, UP32MN 7560, UP32MN 7561, UP32MN 7598, UP32MN 7601, UP32MN 7602, UP32MN 7605, UP32MN 7606, UP32MN 7608, UP32MN 7610 wa UP32MN 7613.
Discussion about this post