15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynche u Conrad yei lai synraan u ya u Modi heipor wa thap pyrtuid MP u

0 Comments
Advertisement ad1
Advertisement ad1
Advertisement ad1

Jowai: U montri rangbah ka jylla u Conrad Sangma da pynche u ya i rai yong oo wow emlang wa u montri rangbahdooh ka ri u Narendra Modi heipor wa thap pyrtuid u kam u kyrtong MP na Varanasi Lok Sabha Seat deiwa ong, “I da klam che i nadooh nachwa wa i krehlang i waka sorkar NDA.”

Da ong u leh wa ym tip na iyi i daw wa ka liang pyrchah pynheh yaw ko ya kani ka kaam hawa da tip che wa da yaleh pyrchah waka Congress nadooh nachwa tangwa ym em mut wa pdiang ya waroh wa rai ka sorkar pyrdi.

Advertisement ad1

Neiliang u Conrad da ong u wa ym ye u mylliñ wa ha kini ki 5 snem wa da lai, ka sorkar NDA da wanrah ko boon ki kaam pynroi hapoh ka thaaiñ mihsngi.

“Du haka chi snem wa da lai, ka jylla da yoh ko poisa ko na ki Scheme wa boon kiwa man 4-5 chah iwa jooh yoh na ki Scheme wa da e da ka sorkar pyrdi,” pyntip u Conrad.

Da e nongmuna u wa hapoh ka PMGSY wow chna sarok, ka poisa da ku ko 10 chah naka T. 140 Klur chaka T. 1400 Klur haka chi snem. Kamtæ da ong u wa ki kaam wa bha wa da leh hap kynmoo ki. Heijooh i por da ong u wa heiyatoh wa i hok ki paidbah ka sorkar yong oo ym e laad ko ya kiwon kiwon wow knieh yei hok yong ki.

“Em ki por hap yeiñ pyrchah hajrong ki phang wa ktah ya ka jaitbru tangwa emkaam wow krehlang neibynta ka roi ka paar.” Da ong chooh chooh u.

Also Read: T. 1,66,026 Klur u pynlut poisa ka sorkar pyrdi hapoh ka thaañ mihsngi yow chna sarok: Nitin Gadkar


Share this:
Previous

Pynkhreh ka India waka Bangladesh hadien wa mih i maham na kiwa kyrchaan ya ka IS

Next

Rah ka O M Roy yaka Inter School Futsal Competition