• About Us
  • Contact Us
  • Privacy Policy
  • Advertise With Us
  • Terms & Conditions
Sunday, November 22, 2026
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home News

Pynkrehkaam pura ya ka 16th Finance Commission yow lait dooh nong ki paidbah kam ha ka 15th Finance Commission: J. Pohtam

Wyrta Staff by Wyrta Staff
November 22, 2026
Reading Time: 6 mins read
A A
0
Share on FacebookShare on Twitter

U Jamshaphrang Pohtam, MDC ka Liang Pyrchah, ha ka Dorbar Tlang wa chi sngi ka JHADC kawa da pynman ha ka 20 tarik uni u bnai da wanrah u ya ka phang yatai heiyatoh wa ka 16th Finance Commission yong ka Council kawa da lai katni deiwa kyntu wow pynkrehkaam pura ya ka mang poisa yong ka 16th Finance Commission khnang yow lait ki paidbah u dooh nong kamwa da jia ha ka 15th Finance Commission neidaw wym ye pynkrehkam bha ka Council da dooh nong ko da ki klur.

I pynkreh ya ka 15th Finance toh du hadooh u Financial Year 2021-2022 wei hadien neini won ong u waroh ki Proposal ym em de yoh Sanction neidaw wa ka Council ym ye ko u kdaw che kammon da pynkrehkaam yeiwa dadep Sanction.

Ong u kani toh ka kaam wa khia wei wa toh u takit bniah, heiwa ma toh wa em ka laad hap u phah takit bniah leh da ka CIB yow chem yei daw wa dooh nong ka Council.

Da booh yukylli haroh u hapoh ka yung dorbar wa da yoh sikai ki mo ym pu em na ka 15th Finance hajrong i wym krehkaam, næ dang sñiaw khaiñ wot hawa da Fail ha ka 15th Finance, tangwa kitæ wa da emlang nadooh ka EC warim dang yoh biang ki u ksoh yei shynchaar hapoh JHADC.

Related posts

Sñiawkhia u Gresentus yei wan ki dukan heh wa ki yaaw Online kiwa da ktah ya ki dor ki mar wei dooh nong ka JHADC

November 22, 2026

10 snem dang chim por u yoh kot Land Holding wa Pata | Chem chitom kiwa rep ha Mukroh Lapangap

November 22, 2026

Neibynta ka 16th Finance Commission dawa u wa toh u yohbhah kat jooh cha ki MDC Constituency waphær waphær wa da mihkhmat neibynta ki paidbah.

Da chimbynta u kyrchaan ya kani ka Motion da u Nehimaia Lamare, u Rikut Parieñ wa u Andrew Shullai.

Heiwa neiliang u Andrew da pynsñiaw u i diaw hajrong ka bhah yong oo kam uwa mihkhmat ya ki paidbah hapoh sor Jowai, heiwa ym ye u tip kammon ka State wa Central Government da pynkylla ki ya ka Policy wa nadooh ka 15th Finance Commission hadooh 16th Finance Commission da pynkrehkaam lyngba ka Municipal.

Yooluti u leh wa ha ka 16th Finance Commission ya ki Scheme wow pynkrehkaam hapoh ka Constituency yong oo toh u lai katkam i tyrwa Scheme da oo hi u MDC.

U Dy. CEM, u Lasky Rymbai hawa pynche ong u, i em i thut ka Council haka 15th Finance toh na ki daw hapyrdi ka State wa Central Government heiwa da hap dooh noh ya ki Scheme wa toh u yoh.

Hawa pynche ya ki kyndon ka 15th Finance ong u, hao sñiawthooh wa ki para dkhot MDC wa dang jop thymme ym ye ware ki u sñiawthooh bha, tangwa kam kiwa da rim won da sñiawthooh bha ki katwa da lai luti.

Pynche haroh u wa ki Scheme wa wan na Central da wanlang ki haka jooh ka File neibynta waroh le tylli ki ADC ha ka jylla iwa da pynslem u yoh naka sorkar pyrdi ya ki Fund wa toh u yoh, wei lada ka JHADC ye ko u pyndep ya ka UC 100% leh tangwa lada kiwi won ki ADC kam ka KHADC, GHADC ym ye ki u pyndep ym ye u yoh ya ka Scheme.

Ong u wa sñiawkmen won u khana wa ka JHADC da toh u yoh Award ko ha ka 15th Finance Commission yong u 2020-2021 wa da ye ko u pyndep hadooh 100% ka UC.

Da khana u wa neibynta u 2021-2022 da ye pyndep 100% ka Tide Grant wei neibynta ka 3rd Instalment ka Untide Grant dadep Submit ko kamwa 90%.

“Tangwa wow ong wa ka EC waka Department da Fail ko u pynkrehkaam ya ka 15th Finance heiwa da dooh noh ya ki Scheme kamwa Rs. 106 klur toh i yahbakla ya ka yung dorbar,” da ong u Lasky Rymbai.

ShareTweetSendShare
Previous Post

Sñiawkhia u Gresentus yei wan ki dukan heh wa ki yaaw Online kiwa da ktah ya ki dor ki mar wei dooh nong ka JHADC

Related Posts

News

Sñiawkhia u Gresentus yei wan ki dukan heh wa ki yaaw Online kiwa da ktah ya ki dor ki mar wei dooh nong ka JHADC

November 22, 2026
News

10 snem dang chim por u yoh kot Land Holding wa Pata | Chem chitom kiwa rep ha Mukroh Lapangap

November 22, 2026
News

Da pynthymme ya kiwa kitkaam ka Dorbar Chnong Pamra Paithlu

November 22, 2026
News

Chna ya ki aiñ yow kdoh yei dai i thied thaw wei i kwah man Indigenous Tribe kiwi ki jaitbru ha Jaintia Hills

November 22, 2026

Discussion about this post

Wyrta

© 2026 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2026 WYRTA Khubor Hei Ktien Pnar