Pynkup burom ka Dorbar Chnong Ialong ya u Wailadmiki | Pynbna u da ka Sub Centre

Ynne ka sngi, ka Dorbar Chnong Ialong da pynman ko ya ka yalang chwa wow wai ya ka Fete heiwa da pynkup burom leh ya u MLA ka Jowai, u Waliladmiki Shylla yeiwa da yoh u wow man kam u Montri ka sorkar jylla.

Neiliang u Waheh Chnong, u Ram Phawa da ong u wa kani ka Fete toh ka yong ka Dorbar Pyllun ka Ialong kawa kynthup ya ki 6 tylli ki Dong wei i pynman ya ka toh wow pynmih poisa ya ka skur wa pynlai ka chnong, ka Ialong Secondary School.

Da khana u wa ynne man ko ka sngi wow sahkynmoo heiwa ka Ialong Secondary School dadap ko 40 snem heiwa da pyntip u leh wa u MLA da e yarap u Rs. 5 lak neibynta wow chna pynheh ya kani ka skur heiwa i angnood toh wow pynku kyrdan ya ka cha ka Higher Secondary School.

Neiliang u Wailadmiki kam u kongsan da ong u wa i puræ puthi man i iwa emkaam bha ha kani ka juk wa katni, heiwa da kdaw u wa wot ya kiwa kreh 100 sngi leh katni da khang wow chon kti.

Da yaroh u ya ka chnong wa da rai ko wow sdang sa ya ka Higher Secondary School neibhah ini daw yarap i ya ki khon ki kti neibhah ym hap lai ki cha jngai wow thooh ya i stat i tip.

U Wailadmiki da ong u wa nadooh wa sdang ym em ieh u ya ka chnong wa ka skur heiwa san snem nachwa wei katni da phær i bakla bak heiwa da yooluti u wa daw mih boon ki wow rah burom ya ka chnong.

Da pyntip u wa ha ka 12 tarik daw wan pait ya ka Aitnar chirup wa u Dy. CM, u Sniawbhalang Dhar khnang wow chna pynmiat ya ka kam kiwi tawon ki thaw.

Da pyntip u leh wa da Sanction ya ka Sub Centre ha Ialong heiwa dadep soi ya ka soskular hapyrdi ka chnong wa ka chnat i chait i khiah.

Related posts

Khut sñiawbha ka NPP 4-Mowkaiaw Block wow chimbynta ha ka Open to All Marathon

January 15, 2026

Daw pynman ya ka General Meeting ka East Jaintia Taxi Owners Drivers Association ha Ladrymbai

January 15, 2026

Heiyatoh wa ka madan yalehke, da ong u wa daw chna ya ka madan ha ka chnong wei daw ye u chna ya ka ha u snem wow wan.

U Wailadmiki da ong u wa hapoh ka sorkar wa yahkhmat u Conrad Sangma da booh bhah 2% neibynta kiwa yalehke Sports wow yoh kreh ki manda rah naam rah takma ki khynroo ya ka jylla ha ki lympung yakob waphær waphær.

Ha kani ka sngi u Pawan Joshi uwa man u Vice President ka Green Valley Cement da pynbna u wow e Rs. 5,000 chi bnai (iwa man Rs. 60,000 chi snem) neibynta ka tulop kiwa sikai ka skur.