Ka sorkar pyrdi da pynlait ko Rs. 951.27 klur wow kreh ya u sarok thymme, uwa 29.03 Km uwa tip kam u Tura Bypass khnang wow pynkyllooid ya ki sarok ha Tura.
U Montri ka chnat Road Transport and Highways, u Nitin Gadkari da pynbna u yeini heiwa da ong u wa uni u Bypass u pynyabi u ya u NH-127B wa u NH-217 wei u man u u sarok 2-Lane.
Uni u sarok NH-217 (uwa jooh tip kam u NH-51) man u uwa emkaam bha neibhah pynyabi u ya ka Guwahati cha Dalu wa em ha khappood India-Bangladesh heiwa em leh ka Inland Customs Check-Post.
U Nitin da ong u wa uni u Bypass u sdang u najan Sanchonggre ha u NH-127B wei u kut u ha Jenggitchakgre ha u NH-217.
Uni u Bypaas daw yait u ya u sarok NH-217 uwa lai luti na chong Tura heiwa u sarok man u uwa khian wei uwa lai lyngba ki thaw wa khynnia bha.
Deiwa em uni u Bypass daw pynkyllooid wei daw yabhah ya kiwa lai cha Tura wa ki wym emkaam wow lai lyngba ka Tura.
Discussion about this post