Ka Jaiñtia National Council (JNC) ynne da pynman ko yei yakhih wa syndet deiwa lai tia cha yung krehkaam ka Jaiñtia Hills Autonomous District Council (JHADC) wa em ha Iawmusiang, Jowai.
Ini i yakhih ka JNC toh hajrong i dawa pynkrehkaam ya i ktien Pnar wa i khayi ki baar jylla ha ki ar District, kitæ ka East wa West Jaiñtia.
Neiliang u President ka seiñ, u Sambormi Lyngdoh da sñiawkhia u yei wym kreh ka Council pyrchah i khayi da ki baar jylla kamjooh i pynemkaam ya i ktien Pnar wot halanda tipmit ya ki dak thoh leh.
Da ong u wa cha East Jaiñtia Hills da boon sa du ki khih ki khan, ki dukan dukdoh yong ki baar jylla wei hanla da dawa na ka JHADC ym em lai kynreh ko ya kini ki dukan.
Da dawa leh wow em ka dorbar wa kyrpang hajrong kini ki mat.
Hadien wa da kbai ya ki kyntien beiñ JHADC, da mih u CEM wa u Deputy CEM yow yaklam deiwa ong wa ini i wan pynman yakhih ka seiñ da pynthut ko ya ki bru kamjooh kiwa kreh.
Discussion about this post