Pynsangeh ka sorkar ya ki kreh wa pynmih bordiñ hadooh 600MW wa kynthup ya ka Kynshi Hydro EP

Ka chant Bordiñ yong ka jylla ynne ka sngi da rai ko wow pyndam noh chwa ya ki kreh (Project) bordiñ kawa em palat 600MW, kiwa da tyrwa da ki Company wow pynkreh, wei ya kani ka rai da chim ha ka yalang wa da khut da ka sorkar wa ki Company wow bichaar bniah ya kiwa kammon ki Project wow pyndam noh wei kiwa emkaam wow pynlai chakhmat.

Hawa klam wa ki laad pathai khubor, u Symbood Montri Rangbah uwa pait ya ka chnat Bordiñ, u Prestone Tynsong da kana u wa ki Project wa ka sorkar da rai ko wow pynsangeh noh, man ki ka Kynshi Hydro Electric Project Stage-I kawa 270MW wa da tyrwa da ka Athena Kynshi Power Pvt. Ltd, New Delhi, wei ini i pyndam toh hadien wa da yaklam sani bha neibhah katkam i chem yong katai ka Company da chem chitom ko wow kreh ya katai ka Project neibhah wa ktah ko leh chadooh ki thaw wa em Uranium.

Da ong u wa ya ka Kynshi Hydro Electric Project-I, da chim ya ka rai wow pynsangeh namo u pyndam noh ya ka soskular Memorandum of Agreement (MoA), hadien wa ka Ministry of Forest and Environment da e yumut ko wym lai chakhmat.

Ha i jooh i por da khana wa ya ka soskular wa da soi ha u snem 2007 wa ka JP Power Limited wow pynkreh ya ka Kynshi Hydro Electric Project Phase-II kawa 325MW leh da rai wow pyndam noh hadien wa ka Company ym em yumut de ko wow pynkreh ya katai ka Project.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Ha iwi won i liang, u Prestone da pyntip u wa ya ka Wah Umïam Stage-III wa da soi ya ka soskular waka NEEPCO ha u snem 2012, da rai wow lai chakhmat wei daw pynmih ya ka bordiñ hadooh 85 MW, katwa ya ka Umïam Stage-I kawa 100MW wa Stage-II kawa 50MW daw yasoi noh ya ka MoA wa ka NEEPCO yow sdang noh ya i kaam.

Da pyntip chooh chooh wa ya ka Thermal Power Project kawa em ha Garo Hills, ya i kaam da pynlai chakhmat da ka NEEPCO, wei da paan leh ya ka Environmental Clearance na ka Ministry of Forest and Environment wa ka Ministry of Coal. Najrong kini ki Project, da khana leh wa em leh kiwi ki Project kiwa rap khian kiwa daw ya soi ya ka MoA.

Katkam wa khana u Prestone, kini ki Project ym toh kiwa hap wow pynlut da ka sorkar, tangwa toh kiwa da tyrwa wow kreh wei wow kyrchaan poisa da ki Company ya kiwa ka sorkar da hap thied ko ha i dor wa biang.