Pyrchah ka Congress yei thmu u chna ya ka Kulsi Dam ha khappood wa ka Assam

Shillong: Ka Congress kawa em ha ka liang pyrchah da sñiawkhia ko yei thmu wow chna ya ka Kulsi Dam ha khappood Meghalaya wa Assam.

Hawa jubab yeiwa kylli wa wanrah da u Kimfa S Marbaniang uwa man u MLA ka Congress na Rambrai-Jyrngam, u montri rangbah, u Conrad Sangma da ong u wa da em i sylli lang na waroh ar tylli ki jylla wei da rai wow pynkhreh noh leh ya ka Detailed Project Report (DPR).

Hawa chim bynta hawa pynrap u kylli ka liang pyrchah, u Dr. Mukul Sangma da kylli u lada ki thaw ha Kamrup (Assam) wa West Khasi Hills (Meghalaya) kiwa thmu wow chna ya katai ka dam kynthup ki namo kam ki khappood wa em i kajia. Tangwa neiliang u montri rangbah da jubab u wa yeini daw tip che manda dep pynkhreh ya ka DPR.

Neidaw wym hun yei jubab u montri rangbah, neiliang u Dr. Mukul da ong u wa ka sorkar toh u thooh chwa ko lada ki thaw wow chna daw haap ki ha ki thaw kajia wa ka Assam hadien won yow pait yeiwa emkaam. 

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Chooh chooh da ong u wa ka sorkar jylla toh u kular ko hapoh ka yung dorbar wa daw pyrkhat chwa ko neibynta ki paidbah ka jylla chwa wow pynkrehkaam yei thmu.  

Hawa jubab yeiwa da kylli chwa ini, u montri rangbah da ong u wa ya ka Kulsi Dam Project da pynbna wow man ko kam ka National Project hapoh ka Hydro Power and Irrigation (HPI) wei ya ki kyndon wow su bai thaw wei wow pynbiang da kiwi ki thaw sah ya kiwa chong chnong daw man ko katkam ka aiñ ka sorkar pyrdi heiwa daw pynman leh yei pynsñiaw paidbah. 

Katkam wa ong u Conrad ka Kulsi Dam Project toh kawi na ki 14 tylli ki project wa heh namo ki National Project wei man ko kawa 11 na kini ki 14 tylli.