Rai ka sorkar wow tyrwa ya u Lat wow pynkrehkaam Administrator’s Rule ha KHADC

Shillong: Ka dhab ki montri ka sorkar jylla ynne da rai ko wow tyrwa ya u Lat, u Tathagata Roy wow pynkrehkaam noh da ka Administrator Rule ha Khasi Hills Autonomous District Council (KHADC).

“Da rai i wow pynkrehkaam da ka Administrator Rule neibhah wym em u skem ka KHADC wei i man i long katni ym miat i ya ka Council,” da ong u Conrad Sangma.

Da ong u wa em ki kynti heiwa uwi u MDC mih u na kawi ka liang cha kawi tawon wei ini pynkhia chilliang i ya waroh wei hadien wa da pyrkhat ya kani ka kaam liang wanang da rai wow tyrwa da ka Aministrator’s Rule ha Council.

Chooh chooh da ong u wa da em i boon paaid ha kawi ka liang wei kam ha ini i por u Lat toh u pynkrehkaam u da ka synchaar yong oo.

Kam wow pynkynmoo heini ka UDA da ku i boon paaid ko cha ka 15 hapoh ka dorbar kawa 29 ngut hadien wa kyrchaan u MDC ka Congress na Mairang-Nongkhlaw, u Batskhem Ryntathiang katwa ka United Democratic Front (UDF) da hiar ko cha ka 13 khlem kheiñ ya u Chairman ka Council.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Neiliang u CEM ka Council, u Latiplang Kharkongor da ujor u ha High Court hajrong i pynslem wow pybna ya ki Executive Member ha ka tayaw wa dadep wei neiliang ka yung bichaar da phah ko ya kani ka kaam cha ka Governor Secretariat wa ka sorkar jylla.

Kani toh ka sien wa ar wa ka sorkar da tyrwa ko u pynkrehkaam ya ka Administrator Rule ha KHADC, nyngkong toh hadien wa ka United Democratic Alliance (UDA) wa yahkhmat ka UDP da piah ko hadien wa ki san ngut da lai pyrchah ki ya ka UDA deiwa kyrchaan ya ka No-Confidence Motion wa wanrah ka Congress.