Ka Meghalaya Commercial Truck Owner and Drivers Association (MCTODA) Jaiñtia Hills Unit, ynne da sdang ko yei yakhih wa khlem booh por namo ka Indefinite Strike ha u sarokbah NH-6 ha Ynñiaw Mer, Pasyih, West Jaiñtia Hills District.
Waroh ki tre wa kiwa yah Truck hapoh ka lama ka seiñ kawa em 281 tylli ki Truck ka Ri-loom Jaiñtia da wan chimbynta ki ha ka yakhih wow dawa pynku dor ya ka bai kit ya u Coke na ki karkhana na ka Rs. 1400 chi Ton cha ka Rs. 2500 chi Ton.
U Shanborlang Suchiang, uwa man u Secretary ka Jaiñtia Unit da ong u wa ini i yakhih ynne ka sngi toh hadien wa kut i e por ya ki karkhana wow pynku ya ka bai kit iwa da kut ynnin ka 5 tarik wei i pynneh ya ka bai kit du Rs. 1400 chi Ton da ktah bha i ya ki.
Da ong u leh wa ini i yakhih u pteiñ i hadooh wa miet wei kamjooh ha ki sngi wow wan leh weiwa waroh kiwa yah Truck da sangeh wei da khang ya ki wow lai kit Coke na ki karkhana wa em ha Ri-loom Jaiñtia.
Neiliang u Secretary ka MCTODA seiñbei, u Peter Manner da ong u wa da wan ki ynne wow kyrchaan ya ka Jaiñtia Hills Unit deiwa pynrap wa lada ki karkhana cha kiwi ki District kam ha West Khasi Hills wa South West Khasi Hills klam pynbait ki yei bai kit, ki Truck ha Ri-loom Jaiñtia leh toh u leh ki kamtæ hi.
Discussion about this post