Smai u Justice Biswadeep Bhattacharjee kam u Judge ka Meghalaya High Court

U Justice Biswadeep Bhattacharjee ynne ka sngi da smai u kam u Judge ka Meghalaya High Court deiwa pynsmai da u Chief Justice, u Indra Prasanna Mukerji ha High Court.

Ka sorkar pyrdi ha ka 29 tarik uni u bnai da thung ko ya u Justice Biswadeep Bhattacharjee kam u Judge wa pura (Permanent Judge) ka Meghalaya High Court.

Ya ini da leh deiwa bood ya ka Clause (1) ka Article 217 ka Constitution ka ri wei ya ka hukum da pynmih da ka President ka India.

Ka Supreme Court Collegium wa khlieh da u Chief Justice of India, u BR Gavai wa kynthup ya u Justice Surya Kant wa u Justice Vikram Nath da tyrwa ki yei pyrtuid u Justice Bhattacharjee ha ka 1 tarik uni u bnai.

Related posts

Yaroh u Conrad yei krehlang ki MDC ka TMC ha GHADC neibynta i hok ki Garo

March 25, 2026

Da ki phaw tylli ki kari wa khayi masi khlem em wa kem ha West Jaiñtia, kyntu ka HNYM na u SP wow chimkhia

March 25, 2026

U Justice Bhattacharjee da man u kam u muktiar nadooh u snem 1993 wei da smai u kam u Additional Judge ka Meghalaya High Court ha ka 1 tarik u Naisaphra 2023.

Chirup wa u Justice Bhattacharjee waroh ki Judge ha Meghalaya High Court kattu da em ki soo ngut chirup wa u Chief Justice.

Ha i baam smai u Justice Bhattacharjee da emlang ki Judge, muktiar wa kiwi kiwa kreh kani ka yung bichaar.