Sñiawkhia ka BJP-WJH ya iwa jia ha Sonapur

Jowai : Hei yatoh wa i oor ka bus Night-super wa em u no AS01-EC-7494 ha i miet yong ka 14 tarik kawa kit ya ki bru na Silchar cha Guwahati heiwa da yap hadooh 29 ngut na i liang ka seiñ BJP-West Jaiñtia Hills da phah ko ya ka khubor wow pynsñiaw ya ini.

Ka BJP-WJH lyngba ka khubor na u President ka seiñ u ma JG Kyndiah da pynsñiaw u yei mynsien wa sñiawsih cha waroh kiwa ha yung ha sem yong kiwa da yap wa kiwa da mynsoo.

“Ini iwa jia man i iwa sñiawsih ya waroh wei ka BJP ka kyntu joor ko ya ka sorkar wow chimkhia yei rukom man ki sarok wa da sih bha yow lait na iwon iwon i jia wa sñiawsih kam wa da jia ha ka miet yong ka 14 tarik” da ong u ma Kyndiah.

Heijooh i por da kyntu joor ka seiñ ya ki bor District khamtam ki Traffic Police wa toh u pait bha ki ya kiwa yah kari kiwa muaaid yow yada ya kiwa chong hapoh kari.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Ka seiñ da kyntu ko ya ki paidbah wymhoi u yah kari klumar wei ymhoi u pynhær kari ki.

“Ka sorkar toh u chimkhia ko wow thooh ya ki laad yada ya ki paidbah wei emkaam leh u pynkrehkaam ko ya ki aiñ wa boon nei bynta i bha i miat” da pynrap u ma Kyndiah.