Ka Sri Lanka da yoh ko u pynlait ya 30 ngut ki chipai Navy ka Iran na ka jhaad Frigate, da ong u Foreign Minister ka Sri Lanka, u Vijitha Herath ynne.
Hawa klam ha Parliament, u Herath da ong u wa ynne i step heipor kamwa 5:08, ka Sri Lanka Navy wa Coast Guard da yoh yutip ki wa ngam ka jhaad ‘Iris Dena’ kamwa 40 nautical miles na Galle wei da ye u yarap ya 30 ngut na ki 180 ngut ki chipai wa em ha ka jhaad.
U Herath da ong u wa ka Sri Lankan Navy wa Air Force da kreh ki chirup wei ymtip yei daw wa ngam kani ka jhaad.
Chooh chooh da ong u wa katkam ki aiñ ka pyrthai heiyatoh wa ki duriaw emkaam wow yarap ya kiwon kiwon kiwa emkaam khlem kheiñ yei man tre ri ki næ i daw wa em ki ha duriaw wei ya kini ki chipai da kit cha Karapitiya Hospital ha Galle.
Chooh chooh u Herath da ong u wa ka Sri Lanka da kyntu ko ya waroh ar liang wow yasuk noh ki.
Kani ka jhaad Iris Dena toh kawa dang dep wan na India kam chibynta ka International Fleet Review 2026 ha Visakhapatnam deiwa chimbynta kiwa boon ki ri wa kynthup ki jhaad na Sri Lanka ha ka 16 tarik u February hajrong ka phang wa ong “United through Oceans”.
Ha kani ka Fleet Review da mut leh wow wan ka jhaad ka US Navy, ka USS Pinckney tangwa da dam ko u wan na ki daw wym tip.
Kani ka Fleet Review toh kawa kut ha ka 25 tarik u February wei hadien le sngi sdang wot ka US wa Israel wow dat Bomb ya ka Iran.
Ynne i step da phah kani ka jhaad ya ka Distress Call wei da suba wa chah siat ko ha ka Submarine wei lada toh iwa sakhiat, pynyoo wa kani ka thma dapoi ko cha ka Indian Ocean wei iwa jia ya kani ka jhaad ka Iran Navy toh kamwa 4,000 Km na ka Persian Gulf wa em ka ri Iran.
Kiwa mynsoo na ini wa jia da antaad wa da em ki 78 ngut.
Discussion about this post