Ka Bihar da jop ko yaka Meghalaya da 6 Wicket haka yalehke ka Syed Mushtaq Ali Trophy T20 Tournament ha Chennai ynne ka sngi.
Ka Bihar da jop ko yaka kylla khlem wei da phah Bat nyngkong ko yaka Meghalaya kawa ye u kamai du 89/9 na ki 20 Over.
U Punit Bisht ym ye u wow leh yeiwa da leh u pyrchah yaka Mizoram deiwa kamai palat 100 Run tangwa ynne da kamai u 16 Run iwa man leh iwa boon dooh na kiwa Bat. Kiwi kiwa da ye wow kamai palat 10 Run toh u Lerry Sangma wa u Dippu Sangma kiwa da yoh mar 13 Run.
Ka Bihar hawa e yei jubab da dooh ko 4 tylli ki Wicket tangwa da da poi thong ko haka 16 Over deiwa yoh 92/4. U Sanjay Yadav da sdang u yei kawang bol wei da yoh u 2/14 na ki 4 Over wa chah, katwa u Akash Kumar Choundary da yoh u 1/18. U Aditya Singhania leh da ye u wow pyndep ya waroh ki 4 Over wei da yoh u 1/23.
Ka Bihar da em ko ha khlieh dooh kani ka Group deiwa jop ya waroh le tylli ki yalehke yong, ka Meghalaya da em ko heiwa 5 deiwa jop chisien na ki le sien ki yalehke.
Ka Meghalaya kattu daw yachem ko waka Arunachal Pradesh, kawa da rem ha waroh ki le tylli ki yalehke ha kani ka sngi Bibar.
