Thooh ki pulit ya u dkhot ka KSU Ri-Bhoi District

Jowai: U SP ka Ri-Bhoi District da phah u ya ka Public Notice yow pynbna paidbah yei thooh ki pulit ya u Ferdynald Kharkamni uwa na Nongpoh, Ri-Bhoi District heiyatoh wa iwa jia haka Umiam Police Station.

U Ferdynald man u leh u President ka Ri-Bhoi KSU Unit we da pyngat ya oo hapoh ki kyndon 190/341/323/353/506 IPC.

Ki pulit da pyntip ki wa lada em wa tip chaphang u Ferdynald ye ki wow phone ha kini ki number 8837416736/8837321890 lane ha Police Control Room-8730940080 wei daw murieh ya i pyrtuid kiwa pyntip.

Katkam ka FIR wa da e da u pulit ka Umiam Police Station u B. Bordoloi da ong u wa haka 15 tarik uni u bnai heipor wa dang pynman ki yaka Patrolling haka thaaiñ wa em ka ICAR, heipor 12:15 i step synaw da yoh yutip ki na u OC ka Umiam PS u SI L. Syngkon wa em ki bru wa pynmih awri awra ha chnong Sumer wei da phah liwan u ya ki yow li thooh ki oo na Police Station yow lai lang cha ini i thaw.

Related posts

Chem drugs ki pulit napoh ka kari wa chah ieh ha Jowai Bypass

May 7, 2025

Yoh kem drugs ki pulit ka East Jaiñtia na kawi ka kynthai

May 5, 2025

Manda poi ha Sumer da chem ya uwi u baar jylla u Amir Ali uwa da pyntip cha ki pulit wa chah dat u ha ki kattu katni ngut ki bru uwa da pynyoo leh yei jæd ka Jacket u wei da em leh ki bru wa da kbai ha khmat iwi i dukan, kamtæ ki pulit da kit ki ya u Amir Ali wa ya uwi u bru wa suba wa emkti ha kani ka kaam cha Umiam Police Station.

Manda poi ki ha Umiam Police Station da wan u Ferdynald Kharkamni uwa da pyntip wa man u kam u President ka KSU Ri-Bhoi District uwa da bok ya u B. Bordoloi le sien hakhmat u Officer in Charge.

U Ferdynald da thap u leh ya u OC u L. Syngkon ha kani ka miet ha kamra kreh kaam yong oo.