15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Thooh ki pulit ya u dkhot ka KSU Ri-Bhoi District

1 Comment
Advertisement ad1

Jowai: U SP ka Ri-Bhoi District da phah u ya ka Public Notice yow pynbna paidbah yei thooh ki pulit ya u Ferdynald Kharkamni uwa na Nongpoh, Ri-Bhoi District heiyatoh wa iwa jia haka Umiam Police Station.

U Ferdynald man u leh u President ka Ri-Bhoi KSU Unit we da pyngat ya oo hapoh ki kyndon 190/341/323/353/506 IPC.

Ki pulit da pyntip ki wa lada em wa tip chaphang u Ferdynald ye ki wow phone ha kini ki number 8837416736/8837321890 lane ha Police Control Room-8730940080 wei daw murieh ya i pyrtuid kiwa pyntip.

Katkam ka FIR wa da e da u pulit ka Umiam Police Station u B. Bordoloi da ong u wa haka 15 tarik uni u bnai heipor wa dang pynman ki yaka Patrolling haka thaaiñ wa em ka ICAR, heipor 12:15 i step synaw da yoh yutip ki na u OC ka Umiam PS u SI L. Syngkon wa em ki bru wa pynmih awri awra ha chnong Sumer wei da phah liwan u ya ki yow li thooh ki oo na Police Station yow lai lang cha ini i thaw.

Manda poi ha Sumer da chem ya uwi u baar jylla u Amir Ali uwa da pyntip cha ki pulit wa chah dat u ha ki kattu katni ngut ki bru uwa da pynyoo leh yei jæd ka Jacket u wei da em leh ki bru wa da kbai ha khmat iwi i dukan, kamtæ ki pulit da kit ki ya u Amir Ali wa ya uwi u bru wa suba wa emkti ha kani ka kaam cha Umiam Police Station.

Manda poi ki ha Umiam Police Station da wan u Ferdynald Kharkamni uwa da pyntip wa man u kam u President ka KSU Ri-Bhoi District uwa da bok ya u B. Bordoloi le sien hakhmat u Officer in Charge.

U Ferdynald da thap u leh ya u OC u L. Syngkon ha kani ka miet ha kamra kreh kaam yong oo.

Share this:
Previous

Sdang pynkhreh ka sorkar ya ka Trade Policy: Conrad

Next

Jop ka Sabah Muswang haka Super Division ka WJDSA