U-15 Inter District Cricket: Jop ka East Khasi Hills ya ka East Jaiñtia Hills

Ka East Khasi Hills waka Tura District Cricket Association da jop ki ha ki yalehke yong ki ha ka U-15 Inter District Cricket Tournament 2023 wa pynman da ka Meghalaya Cricket Association ynne ka sngi.

Ha Umbuda, Ri-Bhoi, ka EKH da jop ko ya ka East Jaiñtia Hills da chi Innings wa 236 Run ha ka Zone 1, katwa ka TDCA da pynrem ko ya ka West Khasi Hills ha Williamnagar, East Garo Hills da 246 Run ha ka Zone 2.

Ynnin ka EKH da kamai ko 301/9 (Declared) wei ka EJH da jubab ko da 28/8 ha ka Innings wa nyngkong hadooh wa kut ka sngi. Ki ar Wicket wa dang sah da haap ki ynne khlem da yoh de wow kamai, kamtæ ka EJH da hap ko wow Bat baing wei ha ka Innings wa ar da kamai ki du 37 Run. U Nangsan Shaphrang Kynter da lehbha u da ka bol ha ka Innings wa ar deiwa yoh 4/10, katwa u Damechwa Khongsngi da yoh u 3/7. Ha waroh kawi ka yalehke da lehbha dooh u Mebansiewdor Kharshanoi uwa da yoh 6/9 (4/3 wa 2/6) ya ka EKH.

Ha ka Zone 2 won, ka WKH da pteiñ ko ya ka Innings wa ar ynne deiwa yoh 23/6 wei emkaam ki sa 268 Run yow jop. Ynnin, ka TDCA da yoh ko 196/10 wa 200/2 (Declared) hadien wa ka WKH da kamai ko 106 (All Out) ha ka Innings wa nyngkong.

Related posts

Dei kreh yonglang pynkhreh ka Seiñ Raij Raliang ya ka Kopati Puja

November 17, 2024

Rah ka Iapmala Wahshnong ya ka 3rd Interdong Football Tournament

November 17, 2024

Ka Tura ym e laad ko wow yoh suk ka WKH deiwa pynhaap lut ya ki Wicket yong ki deiwa kamai ki du 44 Run. Ka TDCA da pynemkaam ko du 2 ngut kiwa kawang bol ha ka Innings wa ar, kitæ u Manthan Gupta (6/5) wa u Kein Hagio R Marak (4/35). Deiwa yoh ha ka Innings wa nyngkong da 3/23 iwa mut waroh da yoh u 9/28, u Gupta da yoh u yei naam Player of the Match.

Mynstep, ka Shillong Cricket Association-B daw yachem ko waka Ri-Bhoi haka Zone 1, katwa ka East Garo Hills daw yachem ko waka North Garo Hills haka Zone 2.