Hadien i pynbaad u Working President warim ha kani ka tayaw, neiliang won u President ka Meghalaya Pradesh Congress Committee (MPCC), u Vincent H Pala ynne ka sngi da pyntip u wa u James toh uwa Phone dei miet dei miet ya kiwa yahkhmat Party yow beiñ ya u kyrtong ka Congress ha ka Election chiteiñ samoi kawa dang dep ha Mawphlang Constituency.
Da ong u wa ka Party da e kaam ko ya u James u wow pait (In-charge) ya ka Mawphlang Constituency ha ka Election chiteiñ samoi, tangwa dei miet dei miet won da Phone u cha ki MDC, cha ki Youth President wow ong ham yarap ya ka Congress neibhah daw mih noh u.
U Vincent da pyntip u wa hadien wa da tip yeini wa leh u, da rai lang da ka Committee hei emlang u Charles wa toh u pyndam noh ya u James wei wow thung won da u Kimfa Marbaniang, ym toh kamwa da pynbaad wa da shim rai du da u President samen.
Kam wow pynkynmoo wa ha ka 2 tarik uni u bnai, u James Lyngdoh da pynbna u wow mih noh na ka seiñ Congress hadien wa da chakri kamwa 33 snem ya ka Party, wei da ong u wa iwi na i daw wa mih u toh wa chah kyntait wa ym yoh de u wow kreh ha ka Party hadien wa chimkti u Pala kam u President ka MPCC.
Puræ leh: Mih sa uwi u heh ka Congress deiwa khana ya iwa boon i kynrum kynram hapoh ka Party
