Ynne ka sngi u MLA ka Jowai, u Wailadmiki Shylla da chong yalang u wa u Deputy Commissioner ka West Jaiñtia Hills uwa man leh u Chairman ka District Selection Committee deilang wa u Secretary ka Committee heiwa da pyrkhat heiyatoh wa ki kreh wa lait hapoh ki chnat sorkar ka District.
Hawa kylli na u Wailadmiki, lada em i thmu wow booh noh dei por nadooh wa khut Advertisement hadooh wa thoh Exam wa i thung kreh, da jubab u deiwa ong wa yeini da yaklam boonsien neibhah ym du ha DSC tangwa wot ha MPSC leh neibhah deiwa slem u khut Advertisement da wanrah i yei dooh nong kiwa yaleh kreh.
Da ong u wa da yaklam wa ka Personal Department wow kyrpaad wow booh noh dei por (Timeline) heiwa lada ym ye wow pyndep heipor wa da booh wow e laad ya ki khynnah deiwi tawon.
Chooh chooh da ong u wa daw yaklam hajrong ini wow booh noh dei por nadooh i por wa e Advertisement, wow pynbiang ya ki kot, ki Exam wot hadooh wow thung kreh khnang wow lait kiwa yaleh kreh u dooh myntoi.
Discussion about this post