U Union Home Minister u Amit Shah ynnin ka sngi da wan wai u ya kiwa boon ki kaam pynroi hapoh ka jylla Assam. U Amit Shah da booh mooyurim u yaka Medical College wa thymme ha Guwahati kawa daw chna heidor T. 850 klur ka wow man leh ka Medical College kawa ar ha Guwahati. U Shah da booh mooyurim u leh ya 9 tylli ki Law College kiwa daw chna ha kiwa boon ki bynta ka jylla.
U Amit Shah heiklam yong oo da ong u wa nachwa ka Assam da pawnaam ko yei em kiwa yakhih deiwa rah da ki tiar yasiat tangwa katni da em ko ha i luti cha ka roi ka paar wa yahkhmat da u Prime Minister ka ri u Narendra Modi. Da ong u leh wa kini kiwa jooh rah tiar yasiat katni da emkti ki deiwa em deilang waka imlang sahlang wei waroh ki khynroo kiwa jooh yakhih yaleh, katni da emlang ki ha ki kaam pynroi yow pynman yaka Assam kam ka kor wow pynheh ya ka India.
Chooh chooh da ong u wa hapoh i yahkhmat u Prime Minister Narendra Modi, da leh chiboon yow wanrah yei suk kam ka Bangladesh Agreement waka Bru-Reang Agreement heiwa u Narendra Modi da wanrah u yei ya sñiawthooh ki kynhun ka Bodoland yow wai luti yow pynbait noh yaka yakhih.
U Amit Shah da e khublei u leh ya ki kynhun Bodo kiwa chaniah yei yahkhmat u Modi deiwa kdaw yei jop ka NDA haka Election Bodoland Territorial Council (BTC), pynyoo ko ya ini i chaniah ki paidbah.
