Ynne ka sngi heipor kamwa 10:30 i step, ar ngut ki dkhot ka HNLC da wan pyndem ki ha u SP ka Eastern West Khasi Hills ha Mairang.
Kini ki ar ngut wa da wan pyndem toh u Dibarius Jyrwa (32 snem) wa u Ridor Lyngdoh Nonglait (30 snem) kiwa waroh ar na Eastern West Khasi Hills.
Hawa yaklam ki pulit wa ki da khana ki wa da chah yahbakla ki ha u Samuel Wahlang Pahsyntiew uwa da thooh da ki pulit ka Shillong Sadar Police Station uwa da chah pynngat ha kiwa boon ki kyndon aiñ wa kynthup yei tympdung Bomb uwa man leh kam u dkhot ka HNLC uwa da yut cha Banladesh.
Kini ki ar ngut da khana ki leh wa kam ki dkhot ka HNLC da phah ya ki wow leh ki kaam khutia mutia kam ki kaam rep iwa phær bak-la-bak neiwa ka HNLC da khana ko wa toh u leh ki.
Kamtæ ini waroh da pynsñiaw kulmar ko ya ki wei ym hun ki yeini hadien wa 15 bnai da man ki kam ki dkhot ka HNLC, wei da rai ki wow yut noh na Bangladesh ha ka 20 tarik uni u bnai yow lai liwan biang cha ka imlang sahlang deiwa sihlet yeiwa psiah cha kani ka seiñ.
Ini man ko katkam wa pyntip u SP ka Eastern West Khasi Hills.
Discussion about this post